Segundu Komandante Polísia Nasional Timor-Leste (PNTL), Segundu Komandante PNTL Munisípiu Díli, Superintendente Asistente Euclides Belo, hateten, Major Jeneral Lere Anan Timur nia oan mane Boby prontu hatan iha Tribunal hodi responsabiliza asidente tráfegu ne´ebé mak nia komete hodi soke mate ema ida iha bus Vitoria.
Kazu asidente tráfegu ne´e akontese Tersa (01/05/18) iha Audian wainhira bus Vitoria tula pasajeirus atu ba Baucau, maibe hetan fali asidente tráfegu iha Audian hodi rezulta Brigidia Moreira hakotu is nain hat kanek todan, tanba soke husi kareta Ranger ho sapa matrikula 29-121 TL, ne´ebé mak kondus husi Boby.
``Prosesu kazu Boby nian rejistu hotu iha PNTL Díli. Agora auto notisia kona-ba asidente rezulta ema mate ita haruka ona ba iha Ministériu Publiku (MP) ona i MP hein bolu nia prontu ba. Tanba Boby mós mai hasoru ona ha´u, nia prontu kuandu bolu nia. Boby la halai ses nia submete nafatin ba prosesu hein samada husi Tribunal nia orariu sa loron no oras mak sumbemete ba primeiru interogaroiu nia prontu ba komprementa nafatin, ne´e regras ne´ebé mak iha,``esplika Segundu Komandante PNTL Munisípiu Díli Superintendente Asistente, Euclides Belo, ba jornalista sira Sesta (22/06/18) iha Kuartel PNTL Díli.
Nia hatutan, kareta Ranger ne´ebé mak kondus husi Boby no Bus Vitoria agora sei para hela iha Kuartel PNTL Díli, seidauk entrega ba nain, tanba suspeitu seidauk submete ba primeiru interogatoriu.avi
