GMN TV Justica e Segurança MDS foun tenki dezenvolve liu tan F-FDTL ho PNTL

MDS foun tenki dezenvolve liu tan F-FDTL ho PNTL

0 views

Ministru Defeza Seguransa (MDS), José Agustinho Sequira `Somotxo´, husu Ministru Defeza no Seguransa (MDS) foun mai atu dezenvolve liu tan instituisaun Falintil-Forsa Defeza Timor-Leste (F-FDTL) no Polisia Nasional Timor-Leste (PNTL).

Somotxo hato’o sujestaun ne’e bainhira hala’o despedida ba Polísia Nasional Timor-Leste (PNTL) no FALINTIL Forsa Defeza Timor-Leste (F-FDTL), Tersa (12/06/18), iha salaun Kuartel Jeneral F-FDTL Fatuhada Díli, hafoin  lidera MDS durante fulan sia.

Seremonia despedida ne´e hala´o liu husi enkontru konjunta entre  Ministru Somotxo ho Xefe Estadu Maior Forsa Armadas F-FDTL Major Jeneral Lere Anan Timur ho Brigadeiru no Komandante Jeral PNTL Komisariu Julio Hornay no Segundu Komandante Jeral PNTL, Faustinho da Costa no mós Komandante Munisípiu 12 inklui Rejiaun Espesial Oecussi-Ambeno, Komandante Unidade sira hotu.

Somotxo hateten, seremonia despedida iha fatin barak ona hodi agradese funsionariu sira hotu iha Ministériu Defeza no Seguransa.

 ``Maibe ha´u hakarak hala´o seremonia despedida espesial ida ba ofisial  tomak  husi Komandante Jeral  to´o fali inspetor Xefe, depois husi parte militar ba kapitaun to´o jeneral. Ne´ebé ohin (horseik) ne´e enkontru  ne´e hanesan enkontru despedida,``esplika MDS Somotxo  ba jornalista sira, hafoin enkontru ho lideransa PNTL no F-FDTL sira.

Nia  agradese, servisu PNTL ho F-FDTL   ne´ebé mak konsege garante seguransa ba eleisaun antesipada ho susesu no husu atu kontinua nafatin  ho ezemplu ida ne´e.

“Kaer imi-nia responsabilidade ho kompetensia ne´ebé mak Konstituisaun fó ho lei sira, tanba lori ida ne´e mak dignifika imi-nia a´an rasik ho instituisaun rua ne´e. Se ezije mós ba Ministru foun atu haree kondisaun tomak husi sira-nia uniforme to´o fali kondisoins militares ho Polisiais. Tanba responsabilidade ida bo´ot tan mak fronteira marítima  ho pipeline   ne´ebé forsa rua ténki prepara a´an hodi asegura. Ita husik hela PNTL ho F-FDTL hanesan ne´e konserteza  sei la responde povu nian,``dehan Somotxo.

Tanba  ne´e nia husu MDS foun mai ténki tau matan ba kondisoins PNTL no F-FDTL no ténki dezenvolve no kapasita liu tan.

Iha parte seluk, Xefe Estadu Maior F-FDTL Major Jeneral Lere Anan Timur, husu Ministru Defeza no Seguransa foun iha VIII Governu, ténki iha esperiensia militar.

``Pelo menus kompriende saida mak militar. Agora tau fali ema foun mai ulun moras. Se mai ida hanesan Taur ka sai Ministru Defeza Seguransa, katuas Xanana Ministru Defeza seguransa, ne´e bahasa karik dehan cocok malu.  Ha´u-nia hakarak Ministru Defeza Seguransa iha Ministru  ida de´it nia okos, instituisaun rua ne´e hamutuk nafatin hanesan maun ho alin nafatin,``esplika Lere Anan Timur.

Alende ne´e,  Lere Anan Timur, apresia José Agustinho Sequeira `Somotxo` nia servisu. Tanba  durante nia mandatu konsege halo promosaun ba veteranus katuas nain hat  ba Brigadeiru. No inisiativa hahú komponete Aero.avi


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker