GMN TV Justica e Segurança MP rejista kazu krimi eleitoral 14

MP rejista kazu krimi eleitoral 14

0 views

Prokurador Jeral Repúblika (PJR), José da Costa Ximenes, deklara, durante periódu kampaña eleitoral to’o realiza eleisaun antesipada iha loron 12 Maiu, Ministériu Públiku (MP) rejista kazu krimi eleitoral sanulu resin haat (14) no dau-daun ne’e iha ona prosesu investigasaun nia laran.

“Hanesan bai-bain halo enkontru regular ne’ebé halo kada fulan PJR ba Prezidente Repúblika (PR), primeiru informasaun aproveita oportunidade ida ne’e informa katak depois de eleisaun, a partir de data de kampanha hahú iha dia 10 Abril to’o data de eleisaun MP rejista kazu ho típu krimi eleitoral ho total 14 prosesu,”PJR ba jornalista sira hafoin remata enkontru mensal ho PR, Francisco Guterres ‘Lú Olo’, iha Palasiu Prezidensial, Bairo Píte, Díli, Kuarta (06-06-2018), hodi informa atividade no preokupasaun PJR ninian ba PR.

Nia esplika, entre kazu krimi eleitoral 14 ne’e kazu 11 akontese iha Díli no rejista iha Prokuradoria Distrital Díli, kazu 2 rejista iha Prokuradoria Distrital Baucau no kazu 1 rejista iha Prokuradoria Distrital Oe-Cusse no dau-daun ne’e Prokuradoria Distrital Suai laiha kazu ho típu krimi eleitoral.

“Mezmu nune’e durante faze kampaña eleitoral akotense mós kazu balun por ezemplu hanesan ofensas, estragus, ne’e laiha relasaun ho krimi eleitoral, MP rejista mós krimi hanesan iha Oe-Cusse kazu pekulatu de uzu, porvolta de kazu 5 ka 6 mais ne’e laiha relasaun ho krimi eleitoral,” hateten José Ximenes.

Nia akresenta, prosesu kazu krimi eleitoral 14 iha ba prosesu eleisaun antesipada no kazu seluk ne’ebé akontese iha fulan Agostu 2017 mós MP akuza ona, dau-dauk ne’e MP investiga hela, depois maka akuzasaun ka arkivamentu maka MP sei informa ba públiku.

Entretantu PJR lakohi temi detallu típu kazu krimi eleitoral hirak ne’ebé akontese durante periodu kampaña to’o eleisaun antesipada ne’ebé monu iha loron 12, fulan Maiu ne’e. ves


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker