GMN TV Justica e Segurança PCIC identifika ona autor posting video RS iha FB

PCIC identifika ona autor posting video RS iha FB

0 views

Polícia Científica de Investigação Criminal (PCIC), Tersa (05/06/18),  hala’o ona identifikasaun ba suspeitu ne´ebé mak deskonfia posting video Relasaun Seksual (RS) iha media sosial Facebook (FB) ba púbiku.

Autor sira ne´e Polísia kaptura iha eskola sekundaria sira iha Díli laran depois kontinua halo identifikasaun bazeia ba lei Konstiuisaun Repúblika Demokratika Timor Leste artigu 183 (Atus ida walu nulu resin tolu) hasoru vida privada.

Ema nain hat mak PCIC konsege halo ona identifikasaun, kompostu husi feto tolu, mane ida mak  ho inisial JLP mane NPS feto ne’ebe deskonfia halo gravasaun video, sai vítima ba kazu violasaun seksual  mak FN no deskonfia fahe tutan filmajen ne’e  FSF.

``Hanesan  ita hotu hatene  katak,  ema  públika vidoo  ne´ebé  iha indikasaun krimi dewasa (Adultu), ema  halo relasaun seksual públika  ema  nia vida entaun delijensia   ne´ebé mak ami halo  primeiru ami halo  identifikasaun ba lejada. Ami  buka  uluk  lejada depois  lejada  deskobre  katak,  iha ema individu ne´ebé  públika  nia video. Depois  halo identifikasaun ba lejada nia  prefere hakarak hala´o prosedimentu kriminal kontra suspeitu no ami kontinua halo identifikasaun ba suspeitu,``esplika Xefe Seksaun Sentral Investigasaun  Kriminal  Floriano  Serrano, ba  jornalista sira  iha PCIC Caicoli Díli.

Nia hatutan, seksaun telemátika husi PCIC halo ezame ba  video  ne´ebé mak  iha telemovel. Alende krimi adultu sei iha mós krimi sira seluk.

``Ne´ebé ha´u sei la koalia detalhadamente tipu  krimi saida  mak iha video  ne´e.  Ne´ebé  iha prosesu investigasaun mak sei dezenvolve klean liu. Ho ida  ne´e mak ohin loron ne´e ami halo identifikasaun  ba suspeitu autor de krimi,``dehan Floriano  Serrano.

Nia dehan,  PCIC la halo detensaun ba  autor  krimi  ne´ebé mak públika video iha facebook, tanba autor ne´e públika  ona  video  ne´e kuaze loron rua ka tolu no bele liu semana ida ona. Entaun haree ba regras  prosesu penal suspeitu públika video liu ona.

``Ami so halo de´it identifikasaun. Alende ne´e ami haree ba elementu krimi sira seluk. Rejista ba Ministériu Públika mak bele deside. Ami so  iha kompetensia 12 oras de tempu hodi halo identifikasaun no rekolla  provas,``dehan Floriano   Serrano.avi


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker