GMN TV Justica e Segurança PNTL-POLRI kaptura suspeitu AX iha Kupang

PNTL-POLRI kaptura suspeitu AX iha Kupang

0 views

Polísia Nasional Timor-Leste (PNTL), ezekuta mandadu kapturasaun husi Tribunal nune’e koopera ho Polisi Republik Indonesia (POLRI) Nusa Tenggara Timur (NTT), Kupang, hodi kaptura suspeitu AX, tamba deskonfia involve iha kazu burla agravada.

Suspeitu AX nu’udar Timor-oan ne´ebé mak PNTL ho POLRI Kupang kaptura iha fatin lokalizasaun Hotel Javanes Oesapa Kupang, iha loron 30 fulan Maiu, tanba involve iha kazu burla agravada, ne´ebé deskonfia lori ema nia osan atu halo kréditu motorizadas  halai sai husi teritoriu Timor-Leste.

Wainhira autoridade seguransa sira kaptura suspeitu nia liman rua tau borgol (Aljema) metin  hodi lori husi  Kupang mai Díli Timor-Leste, depois  aprezenta iha Komandante Jeral PNTL Komsiariu Julio Hornay, hodi realiza konferensia imprensa ba jornalista sira  iha  Kuartel Jeral PNTL Díli, remata tiha  lori ba detein iha sela detensaun Polísia Caicoli.

``Suspeitu  ne´e  involve  iha kazu burla agravada.  Ne´ebé mandadu Tribunal sai  iha loron 26 Fevereiro 2018. Bazeia ba mandadu  ne´e mak Xefe Investigasaun Kriminal Díli  husu ba Komandante Munisípiu Díli  atu haruka karta ida  mai  ha´u,  depois ha´u haruka Polísia Servisu Informasaun halo  koordenasaun  ho adidu POLRI iha Díli, nune´e ita haruka karta ba KAPOLRI liu husi adidu depois KAPOLRI haruka servisu hamutuk entre PNTL ho POLRI hodi kaptura  ita-nia maluk Timor oan iha Kupang,``esplika Komandante Jeral PNTL Komsariu Julio Hornay, ba jornalista sira Segunda (04/06/18), iha Kuartel Jeral PNTL Díli.

Julio Hornay, agradese susesu servisu ne´ebé ekipa PNTL no POLRI halao,  tanba durante semana rua hela iha Kupang hodi buka tuir suspeitu  konsege identifika fatin hodi kaptura suspeitu Timor oan ne´e iha Hotel  Javanes Oesapa.

Julio Hornay dehan,  suspeitu nain rua mak halai ba iha Indonesia, maibe suspeitu AX mak PNTL ho POLRI konsege kaptura no hela suspeitu nain ida mak  subar a´an hela husi autoridade seguransa. Maibe Komisariu PNTL ne´e garante katak, atu lalais ka tarde sei kaptura.

Alende ne´e suspeitu AX dehan, nia halai sai  husi Timor ba Indonesia durante fulan rua hodi hela ba mai iha NTT.

Iha biban ne´e adidu POLRI iha Timor-Leste, Bharata Indrayana, senti kontente kooperasaun entre POLRI ho PNTL, ne´ebé mak ho susesu kaptura suspeitu sira  involve iha kazu krimi.

``Ha´u kontente  tanba  bele ajuda PNTL hodi  kaptura suspeitu involve iha krimi sira,``dehan Bharata Indrayana.

Bharata Indrayana dehan, suspeitu nain ida ne´ebé mak sei subar a´an,  autoridade seguransa sei esforsu buka identifika nia paradeiru hodi bele kaptura atu submete ba justisa.avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker