Diretur Sentru Integradu Jestaun Krize, Brigadeiru Jenerál, João Miranda "Aluk Descartes", hatete, bainhira Estadu Emerjénsia la estende, Ministériu Saúde (MS) nafatin buka dalan hodi halo prenvensaun ba COVID-19, tanba haree ba númeru kazu COVID-19 husi nasaun viziñu loron ba loron aumenta ba bei-beik.
“Sentru Integradu Jestaun Krize ninia rekomendasaun mak ne’e mesmu ke situasaun Estadu Emerjénsia hotu ona, mas ita tenki prevene nafatin, katak moras ida ne’e seidauk hotu, sei hamutuk ita iha mundo ida ne’e, embora iha Timor-Leste laiha kazu mas vizinho sira iha bes-besik ita ne’e kazu sei barak, mesmu situasaun emerjénsia laiha ona mas Ministeiru de Saúde, sei nafatin foti medidas,oinsá maka atu evita moras ne’e mai tama iha ita nia rai,” hatete, Brigadeiru Jeneral João Miranda, ba GMN, Sábadu (26/06/2020), iha Tasi-Tolu, Díli.
João Miranda, esplika, oras ne’e dadaun Ministériu Saúde ho Sentru Integradu Jestaun Krize halo ona prepara balun hodi bele atende sidadaun sira, ne’ebé mai bainhira Estadu emerjénsia remata.
“Ministériu saúde tenki foti medidas, se karik mai ona entaun oinsá ita atu trata, ho ida ne’e maka prepara fasilidade sira ne’e, para atu karik moras ne’e mai ita uza fasilidade sira ne’e”.esplika, ‘Aluk Descartes’.
Brigadeiru Jeneral ‘Aluk Descartes’ mós esplika, bainhira Estadu Emerjénsia remata, tuir desizaun entre-ministérial, ne’ebé foti katak, Sentru Integradu Jestaun Krize, kontinua servisu hamutuk ho ministériu saúde, hodi haree ba implementasaun, medida sira ba prevensaun COVID-19. Jen
