GMN TV Justica e Segurança Horta la konkorda Governu implementa lei kriminaliza difamasaun

Horta la konkorda Governu implementa lei kriminaliza difamasaun

0 views

Laureadu Nobel ba paz 1996, José Ramos Horta, la konkorda ho Governu ne’ebé lidera husi Primeiru Ministru (PM), Taur Matan Ruak, implementa lei difamasaun ba povu Timor-Leste. Tanba lei ida ne’e sei hamate liberdade espresaun povu tomak ninian.

“Hanesan ha’u hateten rasik tiha ona, ha’u la konkorda ho lei difamasaun. Primeiru buat ida rezultadu  mai husi luta, mai husi independénsia mak liberdade, ita laiha buat barak,  ita bele kiak teb-tebes, ita bele hatene rezultadu independensia saida? ema balun tinan 20 liu tiha povu nia vida nafatin.  Mas buat ida mak ha’u la konkorda mak ne’e fó independensia, fó liberdade total  ba povu tenke koalia        iha opiniaun intervensaun polítika, Governu,  Estadu la’os  hanesan labele book,  labele kritika”, esplika Eis Prezidente Repúblika, José Ramos Horta,  ba jornalista sira Kuarta (10/06/20) iha Metiaut, Díli, hodi responde jornalista kona-ba Governu atuál insiste maka’as los hakarak implementa lei difamasaun iha Timor-Leste, iha ne’ebé uluk lei difamasaun ne’e eis Primeiru Ministru, Kay Rala Xanana Gusmão la konkorda atu implementa iha Timor-Leste ne’ebé adopta sistema direitu demokrátiku liu-liu hamate liberdade espresaun povu ninian no partikulamemnte kontra konstituisaun RDTL artigu 40.

Ramos Horta, mos lia tun tan katak, bainhira iha lei difamasaun, sei hamate ema ninia liberdade espresaun.

“Jornalista sira bele tauk, sosiedade sivíl tauk, estudante sira tauk, orsida ha’u koalia ida ne’e ema bele lori ha’u ba Tribunal, ha’u hanoin diak liu lalika. Governu iha tinan rua  de’it,  2021 no 2022, diak liu konsentra ba periodade nasionál mak hanesan COVID-19, kontinua polítika diak halo prevensaun, rekoperasaun ekonómika, haree apoiu komunidade sira, apoia agrikultura, seguransa alimentar, bee moos, edukasaun, saúde nafatin. Problema boot mak TBC, dengue”dehan tan diplomata senior Timor-Leste Ramos Horta.

Antes ne’e mós Koordenadór  Rede  Defensor  Direitu Umanu,  Inocencio  Xavier, kontra lei ne’e. tanba nia dehan, prezensa lei ne’e sei hamate  sistema demokrasia no sei haburas  sistema ditadura  iha Timor-Leste. Tanba ne’e nia  sujere ba parte kompetente  atu prioritiza lei anti korupsaun, do que  lei difamasaun.avi


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker