GMN TV Justica e Segurança Joaquim: Lei kriminaliza difamasaun Labele viola direitu sidadaun

Joaquim: Lei kriminaliza difamasaun Labele viola direitu sidadaun

0 views

Prezidente komisaun A Parlamentu Nasionál (PN), Joaquim dos Santos, hateten, Governu ho PN produz lei labele viola direitu, maibé tenke garantia konstituisionál ne’ebé prezerva liberdade espresaun no  organizasaun sira.

Deputadu bankada FRETILIN hato’o lia hirak ne’e iha relasiona ho Ministru Justisa (MJ), Manuel Cárceres, husu opiniaun husi sosiedade sivíl no parte igreja kona-bá esbosu lei hodi kriminaliza difamasaun.

“Sidadaun hotu iha direitu atu ezerse ninia direitu tuir objetivu Estadu hanesan organizasaun Estadu no Governu iha obrigasaun atu garante  sidadaun bele ezerse sira-nia direitu. Tanba ita-nia Estadu-nia prinsípiu fundamental ida Estadu Direitu Demokrátiku, signifika ita-nia hahalok hotu tenke bazeia ba lei, maibé keta haluha lei ne’ebé PN ho Governu produz, labele viola direitu seluk, tanba PN atu hasa’i lei atu proposta husi Governu tenke haree garantia ita-nia konstituisionais ne’ebé rezerva liberdade espresaun no organizasaun, liberdade direitu onra buat sira ne’e, lei ne’ebé atu hamosu labele viola prinsípiu hirak ne’e”, Prezidente komisaun A iha PN ne’e ba jornalista sira, Kuarta (10-06-2020).

Tuir Joaquim, produz lei la’ós atu taka fali dalan, ida ne’e labele akontese, sé akontese, labele kualker desizaun polítika ne’ebé sai tenke respeita imperativu konstituisionál proteje sidadaun sira-nia direitu.

“Lei ne’e tama mai PN mak ita haree, sé iha artigu balun viola sidadaun  nia direitu iha konstituisaun ita hasa’i tiha, sé artigu balun atu garantia sidadaun, atu respeita malu ita hatama, lei nia objetivu atu garante  estabilidade polítika sosiál, liu-liu atu lori ita ba respeita malu no respeita konstituisaun”, tenik deputadu bankada FRETILIN ne’e.

Husi sorin seluk, deputadu CNRT, Aderito Hugo da Costa, hateten, alterasaun lei difamasaun ne’e labele to’o nivel impedimentu liberdade imprensa no direitu ba espresaun , tanba la’ós ba de’it sosiedade sira, maibé fó impaktu mós ba partidu polítiku ne’ebé iha opozisaun.

“Ami espera inisiativa atu halo alterasaun, ne’e atu define difamasaun iha kontestu ida ne’ebé mak kategória hanesan difamasaun, ha’u espera Governu liu husi MJ loke audénsia ba públiku entidade hotu, inklui komunidade, média atu haree hodi redefini prinsípiu ida difamasaun la’ós krime. Bazeia prinsípiu konstituisaun artigu 40-41, hodi produz lei komunikasaun sosiál no órgaun komunikasaun sosiál protejidu liu husi lei komunikasaun sosiál ne’ebé vigor. Ita espera katak ita iha konstituisaun definisaun, ita mós iha lei oan sira, lei komunikasaun sosiál sira ne’ebé kaer ba prinsípiu ohin ha’u dehan  ne’e“, hateten Aderito.

Nune’e mós, Xefe bankada PD, António da Conceicão, konsidera, alterasaun esbosu lei ba kriminalizasaun hanesan interese polítiku, tanba ne’e, PD sei defende direitu liberdade imprensa.

“Ha’u hanoin ida ne’e aktu ne’ebé sei mai no regula interese polítiku iha laran, hanesan partidu polítiku ne’ebé defende direitu umanus ita boot sira bele konta ho PD atu defende liberdade ba imprensa“, tenik António.

Entretantu dau-daun ne’e, esbosu  lei difamasaun ne’e MJ, Manuel Cárceres halo hela konsulta ho entidade relevante sira. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker