GMN TV Justica e Segurança Lere Anan Timur: Povu mak na’in ba Estadu

Lere Anan Timur: Povu mak na’in ba Estadu

0 views

Xefe Estadu Maior Jeneral F-FDTL, Major Jeneral, Lere Anan Timur, hatete, povu mak na’in ba Estadu no Governu.

“Estadu iha tanba povu iha, Governu iha tanba povu iha. Se povu laiha karik governu mós laiha, Estadu mós laiha. Ne’e povu mak na’in ba estadu no povu mak na’in ba ita-nia governu”, dehan, Xefe Estadu Maior Jeneral F-FDTL, Maijor Jeneral Lere Anan Timur.

Lere hatutan, Governu no Estadu, la depende ba líder sira, maibé nasaun Timor-Leste, iha Estadu no Governu, tanba povu.

Líder máximu, F-FDTL ne’e akresenta liutan, bainhira Governu la’o normal ona, maka Timor-Leste, ultrapasa ona situasaun inserteza, ne’ebé la’o ona iha rai-laran kuaze tinan 3.

Líder nasionál ne’e aprofunda  katak, maske ho situasaun polítika inklui surtu COVID-19, fó implikasaun ba servisu seguransa ni’an, maibé la hamate espíritu membru seguransa  ni’an.

Maibé, líder máximu F-FDTL ne’e, iha esperansa katak, Governu no Parlamentu, sei tau matan, ba atividade seguransa ni’an, tanba dadaun ne’e, Governu hahú funsiona normál fila fali

Nune’e mos, Lere Anan Timur, husu ba líder nasionál sira, atu halo ezame konsiénsia ba an-rasik, relasiona ho situasaun polítika, ne’ebé la’o iha laran kuaze tinan tolu ona.

No Timor-Leste konsege ultrapasa ona ho situasaun inserteza, tanba ne’e, Lere husu ba líder istóriku sira hotu atu halo reflesaun ba ida-ida nia-an rasik.

“kona ba situasaun polítika, impase polítika ne’ebé ita ultrapasa ona, maibé ha’u husu ba ita nia líder sira , ami nia li-liu líder sira uluk ita lidera hanesan komanda luta ne’e tenke halo ezame de konsiensia halo ninia reflesaun, hanesan ami ne’ebé uluk reziste iha ai-laran ami tenke halo, reflete saida mak uluk ami halo, saida mak ami haree, saida maka ami sente iha tinan 24 nia laran”,  Xefe Estadu Maior Jeneral F-FDTL, Major Jeneral Lere Anan Timur, hato’o apela ne’e, hafoin relata serbisu seguransa ni’an ba Xefe Estadu, Francisco Guteres Lu-Olo iha Palásiu Prezidensiál Nicolau Lobato, Bairro-Pite, Kuarta (03/06).

Líder máximu, FALINTIL-Forsa Defeza Timor-Leste, ne’e haktuir mesmu ultrapasa ona inserteja polítika, ne’ebé mak Timor-Leste la’o durante tinan 3 ona, maibé líder sira prejiza kontinua nafatin halo diálogu, nune’e bele rezolve di’ak liu tan, situasaun polítika ne’e no lori dezenvolvimentu ba povu.Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker