Xefe Estadu Maiór Jenerál FALINTIL-Forsa Defeza Timor-Leste (F-FDTL) Majór Jenerál Lere Anan Timur, hateten, hanesan ema militar nia mós bele koalia polítika, maibé labele koalia partidária.
Lere dehan, maske dala barak hetan krítika husi públiku, Jenerál fitun rua ne’e labele koalia polítika, atu tau matan ba instituisaun F-FDTL, maibé lider máximu instituisaun ne’e nafatin koalia polítika.
“Ha’u dala barak ema krítika ha’u hanesan militar labele koalia, ha’u mós harii nasaun ida ne’e, ha’u mós tenki fó nia kontribuisaun. Ha’u mós bele koalia polítika, koalia partidádria mak labele, ha’u mós pasparte komponente ida ne’ebé que harii Estadu ida ne’e. Ne’e mak ha’u hanoin Estadu konstrusaun dever obrigasaun sidadaun hotu senti a’an hanesan Timor oan tenki fó nia kontribuisaun, fó nia partisipasaun atu Estadu ne’e sai boot, bele sai Estadu lolos, estabel iha Repúblika Demokrátika Timor-Leste”, esplika Xefe Estadu Maiór Jenerál F-FDTL Majór Jenerál Lere Anan Timur, ba GMN iha Bebora, Díli, foin lalais ne’e.
Alende ne’e Jenerál Lere husu mós ba sidadaun Timor oan hotu atu hamutuk hodi kontribui ba dezenvolvimentu.avi
