Xefe Estadu Maiór Jenerál FALINTIL-Forsa Defeza Timor-Leste (F-FDTL) Majór Jenerál Lere Anan Timur, maske ladun satisfeitu ho karta ne’ebé mak Komandante Em Xefe FALINTIL, Kay Rala Xanana Gusmão responde, maibé nia nafatin respeita Xanana Gusmão husi ai-laran to’o agora.
Lere esplika, konteudu karta ne’ebé mak aprezenta kona-bá problema Veteranus no problema arte marsiáis.
Lere dehan, karta ne’e la’os diriji de’it ba maun boot Kay Rala Xanana Gusmão, maibé ba lider nasionál sira seluk hanesan Ramos Horta, Mari Alkatiri, Lú Olo, Taur Matan Ruak no Roke.
Husi karta ne’e Kay Rala Xanana Gusmão, responde fali buat seluk, ne’ebé mak hateten, Xanana Gusmão, la’os komandante Em Xefe FALINTIL.
“Ha’u nia maun Xanana preokupa, ami nia surat maun Xanana responde duni, maibé ita koalia ba malu la han malu. Ha’u aprezenta buat ida nia fó buat seluk, ha’u husu be nia fó kafé, la hatene ita nia maun nia karákter mak hanesan ne’e ona be ita atu halo oinsá. Ohin ha’u hateten ami aprezenta problema veteranu sira nian, ami aprezenta arte marsiáis. Ami aprezenta oportunista ne’ebé que bele aproveita situasaun. Maun Xanana responde mós la responde buat ne’ebé mak ami hakarak. Nia responde fali la’os Komandante em Xefe, nia lulus SMA de’it, la’os veteranu. Ha’u sempre respeita ha’u nia maun husi ai-laran iha situasaun difisil mos ha’u respeita, ha’u konsidera agora mós ha’u respeita”, esplika Xefe Estadu Maiór Jenerál F-FDTL Majór Jenerál Lere Anan Timur, ba GMN iha Bebora Díli foin lalais.avi
