GMN TV Justica e Segurança PN aprova projetu lei kriminaliza difamasaun, RDDU: Liberdade espresaun sei mout

PN aprova projetu lei kriminaliza difamasaun, RDDU: Liberdade espresaun sei mout

2 views

Koordenadór Rede Defensór Direitus Umanus (RDDU), Inocencio Xavier, hato’o deklarasaun ne’e relasiona ho esbosu lei difamasaun ne’ebé Ministru Justisa (MJ), Manuel Cárceres aprezenta ba Konsellu Ministru (KM) hodi halo aprovasaun.

Tanba ne’e, sosiedade sivíl konsidera, wainhira projetu lei ne’e pasa ona iha Parlamentu Nasionál (PN) mak sei kriminaliza sidadaun hotu ne’ebé hakarak espresa nia opiniaun no kriminaliza mós média hotu.

“Ami haree ona intensaun saída husi lei ne’e, lei ne’e atu asegura de’it “status Cuo” husi eis lideransa sira, inklui konfiksaun relijioza sira hanesan padre, kuandu halo sala povu labele kritika, sé krítika ne’e halo asaun kriminal no ne’e la’ós ona lei sivíl, tanba sira muda ona lei sivíl ne’e ba kriminal, entaun ema iha rai ida ne’e sei laiha liberdade espresaun tuir artigu 40 K-RDTL, mais ami haree katak iha tentativa atu lori Estadu ida ne’e ba la’ós Repúblika Demokrátiku, mais Estadu de ditadura ka Estadu de monarkia”, Koordenadór RDDU iha salaun FONGTIL, Caicoli-Díli, Tersa (09-06-2020).

Koordenadór ne’e mós afirma, prezensa lei ne’e sei hamate sistema demokrasia no sei haburas sistema ditadura iha Timor-Leste, tan ne’e nia parte sujere ba parte kompetente atu prioritiza de’it Lei Anti Korrupsaun (LAK) do que lei difamasaun.

“Seluk mak ne’e, sira ne’ebé eis titular ka eis governante sira kuandu halo hela sira nia projetu ka programa iha sira nia mandatu la remata mak ita protesta, ita públika mak ita sei hetan kapturasaun direta husi polísia, tanba ne’e kriminal no la’os sivíl, iha sirkunstánsia seluk mak imi halo intervista no fó sai informasaun ne’e lei ne’e sei kondena mos ita-boot sira, tanba ne’e ami hanoin katak esbosu lei ne’e la mai komunga no la ajuda, mais hamate demokrasia iha rai ida ne’e”, dehan Inocencio.

Antes ne’e, Ministru Justísa rasik mós deklara ona katak, projetu lei ne’e seidauk iha aprovasaun, maibé sei rona opiniaun hosi entidade hotu hafoin lori ba plenária. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker