Polísia Nasionál Timor-Leste (PNTL), kaptura ema na’in tolu (3) iha Bobonaro no na’in hitu (7) seluk iha Suai, ne’ebé tama ilegalmente husi fronteira terestre.
Lia hirak ne’e hato’o husi, Komandante Jeral Polísia Nasionál Timor-Leste (PNTL), Komisariu Faustino da Costa, hafoin hasoru malu ho Xefe Estadu, Francisco Guteres Lú Olo, iha Palásiu Prezidensial Nicolau Lobatu, Bairro-Pite, Kinta (25/06).
Komandante Jeral Polísia Nasional Timor-Leste (PNTL), Komisariu Faustino da Costa, informa, iha fim de semana liu ba, PNTL konsege kaptura ema Indonezia na’in ida (1) no Timor-oan na’in rua (2) iha Bobonaro no na’in hitu (7) seluk kaptura iha Suai.
“Iha fim de semana ita ka’er ema na’in tolu (3), ema Indonezia na'in ida (1), Timor-oan na’in rua (2) ne’e iha Bobonaro de’it iha Oe-cusse laiha, iha mós Suai hanesan ita bo’ot sira hatene ka’er ida barak liu ikus ne’e mak na’in hitu (7) no mós na’in tolu (3) ne’ebé koordena hela para ita haree kona-ba ninia deportasaun ba ema sira ne’e”, informa, Komisariu Faustino.
Komandante Jeral PNTL hatutan, kona-ba kazu ema hirak ne’ebé tama mai ho ilegalmente dadaun ne’e kumpri hela kuarentena, hodi haree prosesu.
Alende kazu hirak ne’e, iha mós kazu krime balun, dadaun ne’e iha ona prosesu investigasaun li-liu ema estranjeiru ne’ebé mosu iha illa Jaco, Munisípiu Lautem, kona-ba kazu ne’e PNTL hetan ona orientasaun husi Governu, oinsa atu halo deportasaun ba ema sira ne’e.
Durante enkontru, aman ba nasaun ne’e, husu membru PNTL atu mantein nafatin serbisu ho di’ak hodi garanate nafatin seguransa ba povu no nasaun. Ina
