Ministru Defeza (MD), Filomeno Paixão, hateten, FALINTIL–Forsa Defeza Timor-Leste (F-FDTL) nafatin kontrola iha fronteira terestre hodi prevene COVID-19 tama iha Timor-Leste.
Maske governu liu husi reuniaun Konsellu Ministru iha loron 24, fulan ne’e, deside ona la prolonga Estadu Emerjénsia (EE), tanba nasaun ne’e la rejista kazu foun husi COVID-19, maibé kontrola iha fronteira la’o nafatin.
“Seguransa iha fronteira F-FDTL nian kontinua nafatin, Polísia mós nafatin. Hanesan F-FDTL tama iha postu Coba, Alto-Lebos no Mota-Masin, koordena ho Ministériu Administrasaun Estatal ho Xefe Suku sira para ita halo patrulla diáriu iha ne’ebá”, MD ne'e ba jornalista sira hafoin partisipa retiru oitavu Governu iha Ministériu Finansas Aitarak-Laran, Sesta (26/06/20).
Alende ne’e, husi PNTL ne’ebé mak koloka iha fronteira Mota-Ain Bobonaro, Mota-Masin Suai no Sakato Oe-Cusse, kontrola husi Unidade Patrullamentu Fronteira (UPF). avi
