Sidadaun estranjeiru na’in 13, laloran lori tama ilegalmente mai tasi Timor parte Jaco-Lospalos ho bero ida iha Sesta madrugada semana kotuk. Sidadaun hamutuk 13 ne’e kompostu husi ema Vietname na’in 11 no Indonézia na’in 2.
Hafoin hetan tiha ema estranjeiru hirak ne’e, Komandante Jerál PNTL Komisáriu Faustino da Costa informa kedas ba Primeiru Ministru Taur Matan Ruak, no Xefe Governu fó orientasaun hodi transporta sidadaun sira ne’e husi Lospalos mai tama kuarentena Díli.
Alende ne’e ema sira ne’e sei submete ba prosesu investigasaun hodi bele hatene motivu sira tama iha tasi Timor.
“Ha’u hanoin relatóriu ida ne’e ami hetan lo’as iha loron Sabádu, maibé ami hetan iha Sesta madrugada, normalmente ami informa ba suaxelénsia Primeiru Ministru hatene ona, ne’ebé orientasaun ema sira tenki kuarentena, hodi lori mai Díli, ita identifika sira hodi loke prosesu”,esplika Komandante Jerál PNTL Komisáriu Faustino da Costa, ba jornalista sira Segunda (15/06/20), iha Kuartel Jerál PNTL Caicoli Díli.
Enkuantu sidadaun sira ne’e balun iha pasaporte, maibé atu deporta ema sira ne’e fila ba sira nasaun la’os kompeténsia Polísia nian maibé liga ho lei Migrasaun.avi
