GMN TV Justica e Segurança Sosiedade sivíl husu Governu aselera rejime jurídiku traballadór doméstika

Sosiedade sivíl husu Governu aselera rejime jurídiku traballadór doméstika

0 views

Organizasaun sosiedade sivíl Working Women’s Center Timor-Leste (WWCTL) hato’o informasaun ne’e relasiona ho selebrasaun aniversáriu traballadór doméstika ba dala IV iha salaun enkontru Forum Organizasaun Naun Govermentál Timor-Leste (FONGTIL), Caicoli Díli (16-06-2020).

Koordenadora WWCTL, Ricard Pascoela, hateten, Governu tenke elabora ona rejime jurídiku kona-bá protesaun ba traballadór doméstiku iha Timor-Leste, nune’e labele hamosu diskriminasaun no labele difikulta traballadór doméstiku atu ezije sira-nia direitu ba saláriu no selu-seluk tan.

Koordenadora ne’e akresenta, dalabarak empreza no pesoál balun viola traballadór doméstika sira-nia direitu ba saláriu, maibé traballadór sira labele halo buat ida, tanba laiha lei ne’ebé espesífiku.

“Iha realidade traballadór doméstika ne’e iha duni no realidade sira hasoru situasaun ne’ebé ke susar no ohin ami mensiona kona-bá sira-nia saláriu mínimu ne’ebé dibawa rata-rata ho sira-nia oráriu servisu ho tarefa servisu ne’ebé ke maka’as no dalaruma mós sira hala’o funsaun ne’ebé dupla, entaun husi ida ne’e ami haree katak, iha lei traballu nu’udár lei inan, iha ne’ebá mensiona iha artigu 2 kona-bá prezensa traballadór doméstika, katak, traballadór doméstika sei regula iha regulamentu espesífiku ida, maibé husi tinan 2012 to’o agora rejimentu ne’e seidauk sai, entaun ho selebrasaun ne’ebé ami halo hodi hafanun Governu ona, katak traballadór doméstiku iha ita-nia nasaun iha duni”, dehan Ricard Pascoela.

Hatán ba preokupasaun ne’e, Sekretáriu Estadu Formasaun Profisionál no Empregu (SEFOPE), Julião da Silva, afirma, Timor-Leste seidauk iha lei espesífiku ba traballadór doméstiku.

Tanba ne’e, nia parte kompromete iha tempu badak sei haruka lei refere ba Konsellu Ministru (KM) hodi diskute no halo aprovasaun, nune’e, enkamiña ba Parlamentu Nasionál (PN) hodi debate.

SEFOPE ne’e esklarese, traballadór doméstika mós faz parte iha Institutu Nasionál Seguransa Sosiál (INSS), hanesan mós traballador sira seluk.

“Atu hateten de’it katak, Governu liu husi SEFOPE prepara ona rejime kona-bá traballadór doméstiku ni’an no mós lei rejime ba traballu infantil nini’an, ita espera katak iha tinan ida ne’e bele remata ona, nune’e bele manda ona ba MRLAP, bele hetan apresiasaun, nune’e aproxima ba KM hodi hetan aproximasaun nune’e bele avansa ba PN, ita espera katak iha tinan oin mai iha ona lei atu aplika iha fulan Juñu tinan oin”, kompromete Julião.

Entretantu, rejime jurídiku protesaun ba traballadór doméstika ne’e, WWCTL propoin ba SEFOPE iha tinan 2017, maibé seidauk finaliza, tanba SEFOPE rasik sei halo konsertasaun ho lei sira seluk, hafoin enkamina ba KM.

Tuir dadus ne’ebé relata husi organizasaun WWCTL, traballadór doméstika iha munisípiu Díli totál 218 mak rejista ona iha baze dadus, maibé seidauk konta ho munisípiu sira seluk, tanba sei iha prosesu elaboarasaun dadus. san


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker