Komandante Tránzitu munisípiu Díli Inspetór Domingos Sarmento hateten, durante semana ida, tránzitu hatama reseitas USD 10.000 ba kofre Estadu.
“Sé komunidade kontinua viola regras kógu estrada, signifika sira mak volontáriu kontribui reseitas ba Estadu. Selu multa ne’e mak USD 45.00, kuandu parajen sala, mas kuandu sira nia karta kondusaun laiha, dokumentus motor nian laiha dala rum abele selu to’o USD 300.00. Ne’ebé foin mak ita halo operasaun semana ida, maibé ita konsege hatama reseitas USD 10.000 ba kofre Estadu”,esplika Komandante Tránzitu munisípiu Díli Inspetór Domingos Sarmento, ba jornalista sira Kinta (11/06/20), hafoin hala’o operasaun ba motorijada ne’ebé mak para iha trotoár leten hanesan iha área Timor-Plaza no Pateo ninian.
Maske antes ne’e, Polísia Tránzitu munisípiu Díli,bandu no prende ona motorijada sira ne’ebé mak para iha trotoár leten, maibé motorista sira, kontinua la kumpri kodigu estrada hodi nafatin para motorijada iha trotoar leten.
Tanba ne’e, iha Kinta semana ne’e, membru Polísia Tránzitu munisípiu Díli, kontinua hala’o operasaun iha kapital Díli-laran hodi prende motorizada hamutuk ualu iha área Timor-Plaza área Pateo ninian.
“Ita halo hela operasaun ida ne’e la’o, liu husi ita boot sira nia ajuda, liu-liu ita boot sira jornalista nia akompañamentu hodi hatoo bebeik ba ita nia komunidade iha Díli, maibé sira koopera ho lei kodigu estrada no Tránzitu rodoviáriu, hodi labele halo engrafamentu minija asidente sira ne’e ho rajaun mak ami halo operasaun ida ne’e”,dehan Domingos Sarmento.
Komandante ne’e akresenta, operasaun ba transporte sira kontinua hala’o, too wainhira komunidade kumpri ona regras husi Tránzitu no kodigu estrada.
Enterantu tuir tabela infrasaun, para iha zebra cross sei selu multa dolar hat nulu resin lima iha banku nasionál Komérsiu Timor-Leste, Banku Nasionál Komersiu Timor-Leste (BCTL).avi
