GMN TV Justica e Segurança Tribunál Distrital abandona prosesu, Justisa bazeia ba jéneru sai preokupasaun durante EE

Tribunál Distrital abandona prosesu, Justisa bazeia ba jéneru sai preokupasaun durante EE

1 views

Liu husi komunikadu imprensa ne’ebé hala’o iha salaun enkontru Forum Organizasaun Naun Govermental Timor-Leste (FONGTIL), iha Tersa, loron 9, fulan ne’e, Koordenadór Rede Defensór Direitus Umanus (RDDU), Inocencio Xavier, enkoraza órgaun judisiál sira atu aselera prosesu ba kazu violasaun seksuál, esplorasaun seksuál ba feto menoridade, nune’e, vítima no suspeitu sira, bele hetan lia loos iha tribunál.

Koordenadór ne’e husu mós parte kompetente atu reforsa rekursu iha setór justisa, nune’e bele reforsa servisu setór justísa ho di’ak.

“Ita nia rekursu umanu iha setór justísa ne’e sei fraku, tanba ne’e mak kazu sira ne’e ladun hetan atensaun husi ita nia tribunais tanba ho problema rekursu ne’ebé iha, no hetok at liu tan mak fulan rua nia laran ne’ebé ami rejista kazu sa’e to’o 81 ne’e, tanba iha juíz balun iha situasaun balun sira feriadu tanba ofisiais sira la tama servisu, nune’e buat sira ne’ebé tuir loloos hetan tratamentu urjente ladún hetan atensaun iha ne’e, tanba ne’e justísa bazea ba jéneru nafatin sai dezafiu iha Estadu Emerjénsia (EE)”,  Koordenadór RDDU ne’e.

Iha sorin seluk, Juíz administrador Tribunál Distritál Díli (TDD), Afonso Carmona, mós konfirma, durante EE prosesu ne’ebé la’o tarde la’ós juíz sira mak abandona, maibé tuir aktu prosesual ne’ebé iha no bazea mós ba regra EE ne’ebé Xefe Estadu dekreta ona.

“Buat sira muda-muda ne’e, la’ós ita mak muda, maibé tanba situasaun EE no regra prosesuais ne’ebé iha no dalaruma arguidu la mai, dalaruma vítima no testamuña la mai, entaun ita nia regra prosesual ne’e dehan sé arguidu la mai ka falta tenki adia”, afirma Juíz administrador TDD ne’e.

Afonso akresenta, ne’e bazea mós ba artigu 282 Kódigu Penál Timor-Leste kona-bá denegasaun justisa, sei limite juíz sira atu abandona prosesu iha tribunál.

Entretantu durante fulan Janeiru to’o Maiu, TDD adia prosesu julgamentu hamutuk 2095, nune’e TDD konsege redus ba 2054 kazu pendente. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker