Komandante Unidade Patrullamentu Fonteira (UPF), Superintendente João dos Reis Belo, hatete, UPF kontinua kaptura sidadaun sira ne’ebe halo movimentu ilegal.
“Liña fronteira naruk ita nia konsiensia populaaaun hela iha liña fronteira menus tebes no koperasaun populasaun ho autoridade seguransa mos menus, tanba nee akontese nafatin ilegal crossing, horiseik lokraik ita kaer populasaun nain 4 iha parte Suai, sira hatama sasan kontrabandu balun, depois prenda mos motor balun, tantu ida ne'e mos akontese nafatin movimentu ilegais”, dehan João dos Reis Belo iha Batugade, Kinta (18/06/2020).
João esplika, maske koloka ona ekipa patrullamentu iha postu seguransa hotu, maibé ho kondisaun ekonomia no asuntu kultural nian komunidade kontinua halo movimentu ilegal.
“Ita haree kestaun moris povu iha liña fronteira ekonomikamente no asuntu liga ba sosial kultural maka'as, lia mate no lia moris iha parte sorin sorin tenke partisipa”, dehan nia.
Iha mos sidadaun estranjeiru balun ne’ebé tama ilegalmente, maibe deporta kedas no sidadaun Timor-Leste entrega ba ekipa imigrasaun no saude hodi kontinua ba prosesu kuarentena.
Segundu Komandate Operasional Sentru Integradu Jestaun Krize (SIJK), Brigadeiru Jeneral Jõao Miranda "Aluc Descartes", hatete, to’o agora sedauk bele kontrolu ho masimu sidadaun ne’ebé tama ilegal, tanb kondisaun estensaun liña fronteira ne’ebé naruk.
“Ita nia fronteira ne'e ita halo estensaun, ne’e hatudu katak zona fronteira mos ita hasoru difikuldade difisil, maibe ida ne'e la signifika atu husik ou tolera, maibe esforsu nafatin hasoru situasaun sira ne'e no dalaruma ha'u hola parte enkontru haree ko'alia kona-ba forsa armadas no polisa sira, maibe haree ba estensaun husi Suai mai to'o Batugade la'os buat ki'ik-oan, ate agora ita nia fatin ne'e atu kontrola susar, liu-liu iha situasaun emerjensia”, esplika Aluc.
Durante periodu estadu emerjensia Unidade Patrullamentu Fronteira konsege kaptura ona sidadaun atus ida resin ne’ebé tama ilegalmente mai Timor-Leste. Ida
