GMN TV Justica e Segurança Veteranu 115 reklama sira-nia direitu ba Xanana Gusmão

Veteranu 115 reklama sira-nia direitu ba Xanana Gusmão

0 views

Veteranu kombatente libertasaun nasionál sira hato’o reklamasaun ne’e, bainhira lider nasionál  Kay Rala Xanana Gusmão, fó apoiu solidariedade ba komunidade kbi’it laek sira iha suku Mantolelão, Postu Administrativu Metinaru, Munisípiu Díli, Sesta (12/06/2020).

Veteranu António Cardoso Gomes ho kódigu “NIKI” hatete, nia parte sente la satisfaz ho naran balu ne’ebé aprovadu ona husi komisaun omenagen nian, tanba balun ne’ebé uluk responsavel seksaun la hetan, maibé membru sira mak hetan.

“Ami iha ne’e garis merah durante okupasaun Indonezia, ha’u nia ema barak servisu durante tinan hirak nia laran hamutuk, lista sei iha ha’u nia liman maibé barak mak seidauk hetan subsídiu” Veteranu, António Cardosu Gomes “NIKI”.

António Cardoso “NIKI” afirma, nia parte naran publika duni iha komisaun omenagem, maibé latuir nia pozisaun ne’ebé durante ne’e nia assumi iha funu laran.

“Mai ne’e fó ami mak ne’e, 4 a 7, mais 4 a 7 ba ha’u la simu tanba ha’u sekretaris NUREP, tanba ne’e konsidera diskriminasaun” afirma NIKI.

Autoridade lokál suku Mantolelão, Sérgio Assis Sarmento mós rekoñese, aman veteranu sira ne’e, merese hetan duni rekoñesimentu legál husi governu, tanba durante ne’e sira trata ona dokumentus, maibé seidauk iha rezultadu.

Tanba ne’e, nia parte apoiu nafatin veteranu hirak ne’ebé seidauk hetan rekoñesimentu husi governu.

“hanesan ohin ha’u nia kordenadór NUREP “Mau-Suda” hamutuk ho nia vise ohin hato’o ona kestaun balun kona-ba ita nia ema sira ne’ebé maka balun hetan no balun seidauk hetan, mais hanesan lideransa komunitária prontu fó apoiu nafatin ba sira, nune’e sira bele reklama nafatin sira nia direitu, tanba ha’u hanesan jerasaun foun ida ne’ebé iha tempu ne’ebá hau ki’ik maibé sira ne’e merese duni atu hetan” dehan Xefe suku Mantolelão ne’e.

Husi sorin seluk, Administradór Postu Metinaro, Fausto Soares mós rekoñese, iha veteranu balun naran publika duni, maibé la tuir pozisaun veteranu ida-idak nian, tanba ne’e nia espera ba futuru sei hetan resposta husi governu.

“Loos duni katak ohin ita nia komunidade sira iha suku Mantelolão memang sira uluk rejistu ona iha baze dadus kombatente libertasaun nasionál ne’e iha 2003, balun naran sai no balun naran la sai, no balu naran sai ne’e maioria 03, maibé sira ohin hasoru direitamente no entrega ba iha lideransa nasionál Kay Rala xanana Gusmão mesak ema estafeta  deit no balun iha kuadrus resisténsia iha NUREP no SELKOM, loos duni dadus ne’e uluk la aprovadu, tanba ne’e ohin sira reklama ona, tanba ne’e ami fiar katak ba oin ne’e sei hetan solusaun ” tenk Fausto.

Veteranu sira ne’e mai husi estafeta NUREP, SELKOM no sira prosesa dokumentus veteranus nian hahú husi tinan (2003) to’o agora, maibé balun mak hetan no balun seidauk hetan rejultadu husi parte komisaun omenajen. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker