GMN TV Justica e Segurança Feto Timor-oan na’in hitu sai vítima iha Abu Dhabi, PSIK detein ema na’in tolu

Feto Timor-oan na’in hitu sai vítima iha Abu Dhabi, PSIK detein ema na’in tolu

6,528 views

Polísia  Sientífika Investigasaun  Kriminál (PSIK), halo detensaun ba sidadaun na’in tolu, deskonfia envolve iha kazu krime tráfiku umanu, iha ne’ebé haruka feto Timor-oan na’in hitu ba servisu iha sidade Abu-Dhabi, Emiradu Árabe Unidu.

Iha Kuarta (22/06/2022), PSIK  ezekuta mandadu hosi Tribunál Distritál Díli ne’ebé rejista ho númeru krime (NUC) 0248/22/PCIC, hodi halo detensaun, buska no aprénsaun ba sidadaun na’in tolu,  iha área  diferente  iha Díli nian,  sidadaun na’in tolu mak hanesan, autór MV, iha área Benfíca, Díli, iha tuku 12:33 OTL, sidadaun  HdS detein iha área Comoro,  tuku 15:02 Otl no sidadaun ho inisiál JG, PSIK detein iha Aldeia Faulara, Suku Bebonuk, Postu Administrativu Dom Aleixo.

Durante prosesu sira ezekusaun ne’e, PSIK halo mós buska ba rezidénsia autór sira nian mak hanesan, Kampung Baru, Ai-Mutin ho Faulara (Bebonuk), Díli.

Fatin lima ne’ebé PSIK halo buska, nu’udár  fatin ba sidadaun sira uza  hodi hala’o atendimentu ba juventude Timor-oan sira ne’ebé mak hakarak rejista naran inklui submete dokumentu sira atu ba servisu iha nasaun estranjeiru.\

“Prosesu ida ne’e inisia mai husi   ita-nia servisu pikete ou servisu informasaun Polisiál,  ita simu informasaun   katak  iha indikasaun  tráfiku pesoas, venda da pessoas no krime organizadu. Vítima  nia família mai hato’o keixa iha ne’e depois  ita-nia servisu pikete  ho ita-nia informasaun Polisiál   ita rekolla informasaun  ita remete auto notísia ba Ministériu Públiku  hodi solisita mandadu detensaun ba tribunal  para halo detensaun ba suspeitu sira  ho indikasaun krime ne’ebé mak  mensiona ba ita boot sira hanesan tráfiku pesoas, venda da pessoas no krime organizadu. Ne’e iha jaringan (rede) boot trans nasionál krime tamba iha ajénsia balun. Ha’u la temi ba ita boot sira  fika ba segredu justisa, ajénsia iha Timor mak halo komunikasaun  ho ajénsia ida iha Indonézia  ita identifika hotu kedas, Ajénsia Indonézia nia enderesu iha ne’ebé se mak na’in ita identifika hotu kedas”, esplika Adjuntu Diretór PSIK, Adino Nunes Cabral, ba jornalista sira, iha edifísiu PSIK Kaikoli, Díli.

Adino Nunes  Cabral, dehan, ajénsia Indonézia mak halo Komunikasaun  ho ajénsia balun  iha Abu Dhabi hodi haruka Timor-oan sira ba iha Abu-Dhabi.

“Entaun lori ita-nia maluk Timor-oan  iha na’in hitu  mesak feto de’it. Vítima sira agora iha hela Abu-Dhabi. PSIK nia kna’ar mak sei halo koordenasaun ho International Police (INTERPOL)  Abu-Dhabi para hatene vítima sira ita mós halo koordenasaun ho Markas Besar Polísi Republik Indonesia atu halo mós atuasaun ba ajénsia ida  Indonézia haruka ema ba servisu iha rai-liur. Kona-bá ajénsia  Timor  ne’ebé mak halo rekrutamentu  haruka ema ba servisu iha rai-liur ho meius halo kursu no fim iha kotuk nia halo fali atividade tráfiku umanu, hodi lori Timor-oan sira ba rai-liur”, dehan Adino Nunes Cabral.

Husi  vítima feto Timor-oan na’in hitu iha Abu-Dhabi, iha na’in neen mak PSIK  identifika ona, hela  na’in  ida seidauk iha informasaun, maibé PSIK sei koordena nafatin ho INTERPOL  Abu-Dhabi atu buka hatene.

Sidadaun  na’in tolu deskonfia envolve  iha kazu krime tráfiku umanu ho asosiasaun kriminoza ne’e, previstu iha artigu 163, númeru 1, alínea (d) ho (e), Lei Kódigu Penál Timor-Leste.

Tuir prosedimentu legál, PSIK sei halo detensaun bá autór sira ne’e iha sela detensaun PSIK, durante oras 72 nia laran, hafoin submete kedan ba prosesu primeiru interrogatóriu iha Tribunál Distritál Díli (TDD).avi


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker