GMN TV Justica e Segurança Kazu asaltu iha Hudi-Laran, PNTL detein ema na’in rua

Kazu asaltu iha Hudi-Laran, PNTL detein ema na’in rua

2,821 views

Polísia Nasionál Timor-Leste (PNTL) detein sidadaun na’in rua, deskonfia halo agresaun fiziku hasoru vítima ida, iha área Hudi-Laran, Díli. Vítima ho inisiál FALA, tinan 24, hetan asaltu, baku no ema kaer sasán kro’at hodi duni vítima, iha área Hudi-Laran Suku Bairu-Pite, Postu Administrativu Dom Aleixo, Munisípiu Díli, Domingu (19/06/2022) ne’e mais ou menus tuku 7 dadersan.
Husi asaltu ne’e, vítima FALA, hetan baku iha ibun, hafoin monu tuun ba rai no vítima ikus mai hamrik halai kontinua halai tuir estrada ninin, iha sidadaun na’in rua ba foti sasán kro’at iha loza ida iha Hudi-Laran ho nia kolega na’in neen hodi duni tuir vítima atu ta’a, maibé vítima konsege halai liu ba hato’o keixa ba iha Eskuadra Polísia Dom Aleixo, hodi husik hela nia motor, ne’ebé vítima rasik kondus iha Hudi-Laran.
Hafoin iha tuku 11 ho balun, sidadaun na’in rua, ne’ebé deskonfia envolve iha aktu krime halo asaltu ba vítima, iha Hudi-Laran lori vítima nia motorizada entrega iha Polísia.
Polísia loke fali imajen gravasaun iha kamera CCTV hare’e katak, koñese sidadaun na’in rua ida tuku vítima no ba foti sasán kro’at iha loza hodi duni vítima. Bazeia gravasaun kamera CCTV no keixa iha Polísia, parte Polísia halo kedas detensaun ba sidadaun na’in rua hodi submete ba prosesu investigasaun. Enkuantu Polísia kontinua buka sidadaun na’in rua nia kolega na’in haat seluk ne’ebé duni tuir vítima. Sasán kro’at asegura ona iha Eskuadra Polísia.
Tuir lei númeru 5/2017, arma brankas bandu ema kaer sasán kro’at hodi hakanek no habadak ema nia vida.avi


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker