GMN TV Capital Kazu importa kareta sukata husi Austrália submete ba MP

Kazu importa kareta sukata husi Austrália submete ba MP

273 views

Kazu importa kareta  sukata husi Austrália mai Díli, Timor-Leste,  submete ona ba Ministériu Públiku (MP), hodi hein prosesu kontinuasaun.

Ekipa  Alfándega,  Servisu Nasionál Informasaun (SIP) Polísia Nasionál Servisu Investigasaun Kriminál (PNSIK) ho ekipa intelijénsia FALINTIL-Forsa Defeza Timor-Leste   husi J2  asegura kareta  sukata  hamutuk  Unidade 131 iha Portu Díli. Kareta hirak ne’e,  importa husi nasaun viziñu Austrália.

Tuir informasaun husi Polísia,  kareta 131 ne’e,  iha kareta haat mak  ekipa konjunta ba foti iha importadór ida nia uma iha Fatuhada,  hodi  asegura iha Kuartel Jerál PNTL Kaikoli, Díli,  atu nune’e bele submete bá investigasaun.

Komandante Polísia Nasionál Servisu Investigasaun Kriminál,  Superintendente Xefe, José Maria Neto Mok, hateten,  kazu  importa kareta ne’e submete ona ba Ministériu Públiku.

 “Kazu ne’e PNSIK ba  rejista  ona iha Ministériu  Públiku iha Sesta (10/06/2022),  hodi hein  prosesu kontinuasaun de’it”, esplika Komandante Polísia Nasionál Servisu Investigasaun Kriminál,  Superintendente Xefe, José Maria Neto Mok, ba JNDiário, Segunda (13/06/2022),  via telefónika.

Komandante PNSIK ne’e dehan,  se de’it mak envolve iha kazu  importa kareta ne’e sei bolu hotu.

“Kazu  ne’e sei iha faze prosesu investigasaun husik ba sira haree se- se mak  mak envolve ne’e, ami sei bolu hotu”,dehan José Neto Mok.

Kareta haat  ne’ebé  Polísia asegura sai  nu’udar  evidénsia,  kompostu husi kareta rua ho marka Mazda kór mutin, ida kór malahuk, no kareta rua  seluk ho marka Triton ida kór metan no ida ho kór mutin.avi

 


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker