Prezidente Parlamentu Nasionál, Aniceto Guterres hatete, Tribunál Rekursu (TR) notifika ona Parlamentu Nasionál kona-ba lei responsabilidade Prezidente Repúblika ne'ebé antes ne'e Prezidente Repúblika José Ramos-Horta husu Tribunal Rekursu atu halo revizaun preleminariu.
Lider orgaun lejislativu ne’e dehan Parlamentu Nasional sei iha loron lima atu hatan ba notifikasaun Tribunál nia ligadu ba Lei Responsabilidade Prezidente Repúblika, ne’e aprova iha meadu fulan maiu liu ba.
"Klaru, ne'e diploma Parlamentu Nasionál ninian, bainhira Prezidente Repúblika ka se-se de'it mak husu fiskalizasaun ba tribunál ne'e, Se diploma Parlamentu Nasionál nian primeiru instituisaun ne'ebé hetan notifikasaun mak Parlamentu Nasionál, Tanba nia tenke pronunsia sira seluk kestiona lei ne’ebé imi aprova ne’e agora imi pronunsia, hatan to’ok imi nia interpretasaun nee’ halo oinsá, tanba ne’e mak sira notifika ha’u iha tempu loron lima parese hotu Segunda-feira ou Tersa-feira",esplika Prezidente Parlamentu Nasionál, hafoin enkotru ho prezidente Repúblika, iha Palasiu Prezidensíal bairo-Pite, Kinta (09/06/2022).
Lei responsabilidade ne’e, hamutuk Artigu 30 ne’ebé atu regula Prezidente Repúblika bainhira halo violasaun grave ba obrigasaões konstitusionais no bainhira Xefe Estadu komete krime ruma durante hala’o nia knár hanesan Xefe Estadu.
Prezidente Repúblika, José Ramos-Horta hato’o pedidu ba Tribunál Rekursu iha loron 6 fulan juu ne’e, hodi halo revizaun peleminar kona-ba konstitusionalidade husi lei ne’e rasik. Ade
