GMN TV Justica e Segurança DIRETOR MD LORI KARETA ESTADU BOSOK FETO

DIRETOR MD LORI KARETA ESTADU BOSOK FETO

0 views

Ikus-ikus ne’e violasaun hasoru labarik feto minoridade kontinua aumenta hanesan mos saida mak akontese iha Kinta (5/7/18) horseik,  Diretor ida husi Ministériu Defeza (MD) idade adultu ho inisial J lori kareta Estadu duni tutuir hodi obriga labarik feto minoridade ida tinan 15 ho inisial  DRF atu sa’e nia kareta marka Rav-4 ho sapa matríkula 05-432 G.

Kazu  ne´e akontese  iha Audian mais ou menus tuku 10 dadersan oras Timor-Leste, wainhira vítima DRF  fila  husi  Eskola N0. 3 Akadiru-Hun atu ba uma iha Audian. Vítima oras ne´e tur iha klase nono ano.

Tuir kronolojia ne’ebé vítima konta tuir katak, suspeitu ho inisial J ne’e obriga los vítima atu sa’e nia kareta Estadu ne’e, maibe vítima rejeita hodi haksesuk malu maka’as nhodi lakohi sa’e, maibe suspeitu nafatin buka maneira bosok nafatin hodi duni tuir ho kareta tuir vítima to´o Audian.

Bainhira vítima to´o iha Audian haree nia família balun faan hela sasan iha kios, vítima ho kondisaun tauk tama direta kedas ba kesar nia família sira, nune’e nia família sira foti desizaun hodi trava kareta refere hodi husu tuir suspeitu tamba saida duni tutuir nia (Labarik feto ne’e), maibe suspeitu dehan nia la obriga labarik ne´e atu sa’e nia kareta.

Bainhira suspeitu nega, vítima DRF ho matan ben dehan ba nia família katak, “Tiu  ne´e mak ohin obriga ha’u sa’e tuir  kareta Estadu ne´e.”

``Ha´u loke kios  iha Audian alin feto ne´e toman ha´u-nia informa ha´u. Ha´u hanoin katak nia tama kios ne´e atu hola  buat ruma.  Entaun nia dehan tiu, tiu o mai lai! tiu ida ne´eba lori kareta tuir ha´u-nia obriga haruka sa’e nia kareta,`` esplika sasin António Marçal Pereira `Sakunar´ ba jornalista sira iha Kuartel PNTL, Caicoli, Díli.

Ho akontesimentu ne´e família  vítima António Marçal Pereira `Sakunar´  informa via telefoni ba  vítima nia aman ES atual membru Mate Restu 12 Novembru, nune´e mós kontaktu kedas ba iha Polísia Eskuadra Nain-Feto hodi kaptura suspeitu J ne´e lori ba Eskuadra Nain-Feto iha Balide liu tiha minutu balun Polísia kontinua lori  suspeitu no vítima ba iha Kuartel  Vulneravel Police Unit (VPU)  iha Caicoli Díli hodi submete ba  prosesu  investigasaun.

Ho ida ne´e vitima nia aman inisial ES nia kolega Mate Restu 12 Novembru akompaña nia to´o iha Kuartel VPU  Caicoli Díli hodi akompaña  prosesu investigsaun.

Maibe durante prosesu  investigasaun ba suspeitu no vítima la’o hela, iha  membru seksaun Polísia VPU  feto nain rua sai husi sala investigasaun hodi haruka membru Mate Restu 12 Novembru  ne´ebé hein hela vítima iha Kuartel VPU atu fila ba  uma,  tanba sira konsidera barullu demais.

Relasiona ho atitude Polísia VPU nain rua ne´e halo membru Mate Restu 12 Novembru lamenta tebes. Maibe ES  hanesan vítima  DRF nia aman konsidera ne´e la´os hirus  malu.

``Ha´u-nia kolega sira  mate restu 12 Novembru solidariedade mai ha´u,   tanba sira senti ha´u-nia oan hanesan mós sira-nia oan hotu. Linguajen ne´e mak hamosu tiha dezintedementu, maibe Komandante Polísia Pedro Belo mai normaliza tiha situasaun ne´e,``dehan nia.

To´o notísia ne´e hatún, GMN seidauk hetan konfirmasaun husi parte PNTL Munisípiu Díli.avi


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker