GMN TV Justica e Segurança EMA DESKOÑESIDU TUDA AVIAUN F-FDTL

EMA DESKOÑESIDU TUDA AVIAUN F-FDTL

0 views

Ema deskoñesidu, Domingu kalan (29/7/2018), uza fiska tiru aviaun partrulamentu Falintil-Forsa Defeza Timor Leste (F-FDTL) nian ne’ebe mak para hela iha hangar laran iha Aeroporto Internasional Prezidente Nucolau dos Reis Lobato.

Aktu husi ema deskoñesidus ne’e konsege halo fitar rua iha aviaun nia lolon. Maske nunee la dun implika ba kondisoens tekniku aviaun nian atu halo operasaun aero iha teritoriu Timor Leste.

Informasaun ne’ebe mak JNDiario rekolha iha fatin akontesimentu katak, deskunfia ema hakat mai besik iha hangar nian mak uza fiska tiru aviaun. Basa, iha aeroporto nia ninin sira haleu ho redi protesaun ne’ebe difisil tebes atu ema tuda fatuk tama hangar laran no difisil tebes atu ema tiru ho fiska.

Haree fali husi aviaun nia sorin ne’ebe fatuk kona, posivel boot ema tiru ho fiska hamrik besik, tanba kona kedas iha parte aviaun nia odamatan okos. Se tiru husi dok ka husi redi nia liur maka bele tiru kona aviaun leten deit ou kona aviaun liras.

Relasiona ho kazu ne´e, Komando Polísia Nasionál Timor-Leste (PNTL) Munisipiu Díli orienta ona membru Eskuadra Polísia Dom Alexio, hodi  tun ba halo levantamentu no rekolla dadus balun relasiona ho akontesimentu ne’e.

``Ami orienta ona Komandante Eskuadra Dom Alexio halo  ona verifikasaun depois mak nia relata mai Komando PNTL,” hateten Segundu Komandante PNTL Munisípiu Díli, Superintendente Asistente Euclides Belo ba jornalista sira Segunda (30/07/18), iha Kuartel PNTL, Díli.

Enkuantu ba suspeitu, Euclides Belo dehan, seidauk identifika nia paradeiru.

``Komandante Eskuadra haruka ona seksaun partullamentu ba terenu hodi haree tebes ka lae ema tuda aviaun ne´e? Kona-ba ita-nia aviaun patrullamentu F-FDTL  ne´ebé mak estasiona iha aeroportu dehan katak, ema tuda maibe seksaun sei haree ema tuda duni ka lae? depois sira relata mai ami,``dehan Euclides Belo.

Tuir observasaun GMN iha terenu haree katak, body lolon aviaun F-FDTL nian ne’e nakbetak hotu.

Entretantu aviaun ne´e oferese husi Kompaña Aero no iha loron 25 Maiu, tinan 2018, Primeiru Ministru, Mari Alkatiri,  hala´o lansamentu ba aviaun F-FDTL ne´e.avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker