GMN TV Justica e Segurança HALAKON KKN, KAK SUJERE PN DISKUTI LEI ANTI KORUPSAUN

HALAKON KKN, KAK SUJERE PN DISKUTI LEI ANTI KORUPSAUN

0 views

Atu kombate Korupsaun Koluzaun no Nepotizmu (KKN), iha Timor-Leste, Komisariu Anti Korupsaun (KAK), Aderito Tilman, sujere ba deputadu Parlamentu Nasional (PN), V lejislatura atu prioritiza hodi diskuti fali lei anti korupsaun ne’ebé kaduka ona.

“Ami diskuti oitoan kona-bá lei anti korupsaun ne’ebé ami hato’o mai ona mas PN IV lejislatura, maibé mandatu hotu ona. Tanba ne’e espera katak Parlamentu foun ne’e, sira bele iha fali inisiativa hodi sai fali proponente para dudu fali lei anti korupsaun ba diskuti iha PN,”Komisariu KAK ne’e ba jornalista sira hafoin remata enkontru ho Prezidente PN, Arão Noe, iha gabinete Prezidente PN, Díli, Kuarta (04-07-2018).

Nia esplika, KAK presiza lei anti korupsaun, tanba iha kódigu penal previstu krimi lubuk ida kona-bá ezersisiu funsaun públika ninian, maibé la regula krimi balun. Tanba ne’e maka KAK hamosu fali lei anti korupsaun para kompleta lei kódigu penal, hodi kombate krimi korupsaun iha Timor-Leste.

“Iha tinan 2018 kazu ne’ebé maka KAK rejista maka hanesan krimi korupsaun, krimi pekulatu, abuzu poder, administração da nosa, iha mós krimi konexu, krimi falsifikasaun dokumentus no krimi borla-agravadu, krimi aas liu maka krimi pekulatu,”relata Komisariu KAK ne’e.

Tuir deputadu Partidu Demkrátiku (PD), Adriano do Nascimento, deklara, tanba laiha lei anti korupsaun, mak to’o agora KAK laiha lei, entaun susar oitoan atu akuza ema ruma ne’ebé komete krimi. Tanba ne’e PD komprometidu aprezenta lei anti korupsaun iha PN.

“Dau-daun ne’e KAK atu halo servisu, mas laiha lei, tanba ne’e ami espera katak lideransa PN V lejislatura sei fó importansia ba lei anti korupsaun ne’ebé públiku preokupa. Ami sei diskuti, tanba ida ne’e kompromisu ne’ebé maka PD halo iha kampaña, sé partidu boot sira fó apoiu, diak liu tan, mas em quantu la’e mós ami sei aprezenta rasik,”relata Adriano do Nascimento.

Entretantu iha tinan 2018, KAK rejista kazu 25, ne’ebé hetan delegasaun husi Ministériu Públiku no kazu 23 maka KAK finaliza no haruka ona ba Ministériu Públiku.ves


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker