Komandante Jeral (KomJer) Polísia Nasional Timor-Leste (PNTL) Komisariu Julio Hornay, husu ba membru PNTL atuasaun iha terenu no servisu ruma iha prosesu investigasaun atu servisu ho neutru labele hare´e ba familia.
``Iha prosesu servisu nia laran familirismu tau iha kotuk. Ha´u repete bebeik familiarismu tau iha kotuk sala alin ka mesmu fen ka laen, mesmu sala-sala, los-los. Tanba ita la servisu mesak tanba ita servisu hamutuk ho klamar heroi sira ne´ebé mate ba rai ida ne´e ninian ita halo diak sira haree, ita halo sala sira hare´e, hamutuk ho ita kaer metin ida ne´e,``esplika KomJer PNTL komisariu Julio Hornay, liu husi nia diskursu, wainhira vizita iha Kuartel PNTL RAEOA semana kotuk.
Tanba ne´e Julio Hornay husu ba Komandante PNTL Munosípiu no Eskuadra ho membru sira atu servisu tuir lei.
``Mas ida kontra lei, ha´u la tangung-tangung loke prosesu ba se de´it, mas ida tuir lei halo de´it, lalika hakfodak lalika tauk, tanba ita nia misaun klaru ita iha atu asegura paz no estabilidade ba povu tomak Timor-Leste espesial RAEOA la hare´e husi partidu ko´or ka relijiaun la hare´e husi Suku la hare´e ba metan ka mutin hamrk metin iha klaran hatudu ita nia neutralidade no ita nia profesionalismu iha empenhamentu servisu iha terenu so hanesan ne´e mak ganha servisu husi ita nia povu tomak katak, ita apezar foin hari´i tinan sanulu resin balun, maibe ita hatene ona saida mak lei, saida mak procedimento,``dehan Julio Hornay.avi
