Komando Polisia Nasional Timor Leste (PNTL), Komisário Julio Hornay fiar katak, lideransa nasional sira sei hetan solusaun ba impase politika, tanba ne’e, povu tenke hakmaten no halao atividades hanesan bai-bain.
“Ba impase politíka ho situasaun politíka akontese ne’e ita entrega ba ita nia maun bo’ot sira ne’ebè sei resolve. Nudar povu ita hakmatek nafatin hala’o ita nia atividades,” hateten Komando Jeral PNTL Komisario Julio Hornay ba jornalista iha Palaçio Presidençial, Sesta (13/7/20918).
Mesmu tensaun politika sae oituan entre lidera ploitika sira, maibe Komisario Julio Hornay, garante katak, situasaun seguransa lao ho trankuilidade tanba povu hatudu ona nia maturidade politíka.
“ami ne’ebè aparelu Estadu prontu hala’o ami nia misaun forsa seguransa no forsa defesa Timor-Leste, hamutuk mantein estabilidade paz para povu hakmatek ona.tempu ona ba ita atu hakmatek hodi hala’o ita nia vida moris loron loron nian.ida ne’e mak importante ba ita povu . Ha’u husu ba joven no povu TL tomak mai ita hamutuk nafatin matein sa ida mak iha, estabilidade no paz importante ba ita nudar sidadaun Timor,” hateten Komisario Julio Hornay .Ety
