GMN TV Justica e Segurança KOMANDU UPF PRENDE MINA ILEGAL 2,770

KOMANDU UPF PRENDE MINA ILEGAL 2,770

0 views

Komandante Oe-cusse, Superintendente Arnaldo Araujo informa iha Tersa (17/7/18) komandu Unidade Patrulhamentu Fronteira (UPF) prende mina ilegal hamutuk rihun 2,770 iha linha fronteira, kompostu husi gazoel litru 400, minarais litru 285 no gazulina litru 2.085.

“Iha Tersa (17-7-18) komandu UPF ho nia elementu sira prende mina ilegal iha fronteira. Total hamutuk rihun 2,770 kompostu husi gazoel litru 400, minarais litru 285, gazulina litru 2.085 ne’ebe mak kamandu UPF entrega mai komandu distrital atu prosesa ba ministeriu públiku hodi submete ba tribunal,” dehan Komandante Oe-cusse, Superintendente Arnaldo Araujo iha nia kna’ar fatin Quartel Geral da PNTL Distrital Oe-cusse foin lalais ne’e.

Mesmu linha koordenasaun diak, maibe mina ilegal mosu hela deit, tanba nesesidade komunidade nian.

“Mina ilegal sira ne’e mosu, tanba ejinesia komunidade iha area fronteira rasik, basá iha Oe-cusse ne’e mina tama husi Dili susar tebes ida ne’e mak ita nia komunidade aproveita ho oportunidade ida ne’e hodi hatama mina husi fronteira ho ilegal,” haktuir komandante ne’e.

Nia kontinua katak sira sempre fahe informasaun ba komunidade atu selu taxa uluk depois mak sira ba sosa, maibe sira kontinua lahalo tuir, mesmu nune’e sira sei esforsu an maks atu ba oin sira bele sosa mina halo tuir regulamentu ne’ebe iha.

Alende mina, komunidade sira mos hatama nesesidade baziku hanesan manutolun, manu, modo, mina, fos inkluindu sira seluk hodi sustenta moris.

Tantu situasaun jeral iha rejiaun Oe-cusse lao diak no kontrola, hahu husi fronteira sakato, sidana, passabe no oesilo, tanba sira servisu hamutuk ho komandu UPF no parseria ho forsa Indonesia.mra


Banner

Foto

Notisia Ikus

Ramos Horta: Papa Francisco kontente TL nia desizaun implementa DFU

May 19, 2022
Prezidente Repúblika (PR) eleitu, José Ramos H...

PR Lú Olo promulga OJE Retifikativu 2022

May 19, 2022
Prezidente Repúblika (PR), Francisco Guterres L...

Despede Lú Olo, PM Taur prontu servisu hamutuk ho PR eleitu

May 19, 2022
Primeiru Ministru (PM), Taur Matan Ruak, ho jest...

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...
1 2 3 728

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker