GMN TV Justica e Segurança KONSIDERA DUODÉSIMU ILLEGAL, ALKATIRI DEZAFIA PN PROSESA BA TRIBUNAL

KONSIDERA DUODÉSIMU ILLEGAL, ALKATIRI DEZAFIA PN PROSESA BA TRIBUNAL

0 views

Eis Primeiru Ministru, atual Prezidenti Autoridade Rejiaun Administrativa Espesial  Oe-cusse Ambeno (RAEOA), Mari Alkatiri, husu ba deputadu Parlamentu Nasional V lejislatura atu prosesa nia ba Tribunal relasiona ho akuzasaun ne’ebé hatete VII Governu foti osan fundu petrolíferu hodi uza ba orsamentu duodésimu illegal, tamba laiha koñesimentu husi Parlamentu Nasional.

“Kuandu dehan ha’u foti osan illegal, ba Tribunal, sira mak hatene lei liu fali ha’u, entaun ba Tribunal mak ita hasoru malu,”dehan Alkatiri ba GMN iha RAEOA, Sabadu (29/06).

Alkatiri dehan, nia lakohi ko’alia kona ba rumores, tanba laiha benefisiu ba kualker ema ida.

“Ha’u husu de’it atu antes ko’alia halo peskiza uluk, para hatene lolos saida mak los, no saida mak sala, ne’e para ita labele akuza malu fali,” katak Alkatiri.

Entretantu tuir Diretor Ezekutivu Fundu Petrolíferu, Venancio Alves, katak, Banco Central de Timor Leste (BCTL) halo tiha ona transferensia osan milloens 70 USD husi fundu petrolíferu ba VII Governu uza hanesan orsamentu duodésimu iha fulan Maiu, tinan ne’e. Maibe nia dehan, pedidu segunda vez nian ne’ebé VII Governu lideradu eis Primeiru Ministru, Mari Alkatiri, ne’ebé atu husu tan milloens 70 USD, BCTL tenki kansela, tamba tempu la permite ona.

“Iha fulan Juñu foin lalais ne’e, Banco Central simu tan pedidu ida husi Governu atu halo tan transferensia milloens US$ 70, maibé ami Konsellu Administrasaun Banco Central deside hodi kansela tiha pedidu ne’e, tanba hela de’it loron rua Governu foun atu simu posse,”informa Venancio.

Antes ne’e, deputada V lejislatura husi bankada CNRT, Fernanda Lay, hateten, VII Governu ne’ebé lidera husi eis Primeiru Ministru, Mari Alkatiri, foti osan husi fundu pertolíferu hodi uza ba orsamentu duodésimu illegal, tanba laiha koñesimentu husi Parlamentu Nasional.cos


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker