Xefe Estadu Maior F-FDTL, Major General, Lere Anan Timur, hateten, nia sei propoin naran Vise Brigadeiru Jeneral (BrigJen) foun ba Governu atu nune´e Prezidente Repúblika fó tomada de posse.
``Agora se mak atu mai laiha ona ezersisiu, tanba Vise laiha ona, nia ba ona Ministru Defeza. Agora ha´u mak ténki propoin ba Governu atu Vise foun para Prezidente Repúblika fó tomada de posse, nomeia Vise foun, hanoin katak ita-nia Primeiru Ministru ho Prezidente Repúblika sei haree situasaun ida ne´e,``Lere Anan Timur, ba jornalista sira Tersa (10/07/18) iha Quartel General F-FDTL Fatuhada Díli.
Tuir Lere, entre Brigadeiru Jeneral nain hat ne´e nain rua husi Munisípiu Viqueque mak hanesan, Sabika ho Falur Rate Laek, husi Lospalos nian mak Aluk ho Maunana.
``Ha´u Lospalos, se ha´u bolu Maunana ka Aluk ema bele dehan hanesan ne´e, seguransa ne´e iha Lospalos hotu nia liman. Ne´e interpretasaun polítika. Mas ba kapasidade ema ida-idak nian ne´e ita la sura se o Lospalos ka Viqueque, Ainaro ne´e depende kapasidade ida-idak nian ,``dehan Lere.
Tanba ne´e mak Lere dehan, Governu mak ténki hili Brigadeiru Jeneral nain hat hodi bele ajuda nia servisu.avi
