Ministra Edukasaun, Juventudi no Desportu (MEJD), Dulce de Jesus Soares hodi Ministériu Eduaksaun, Juventudi no Desportu nia naran husu deskupa ba jornalista sira, relasiona ho eskolta MEJD ne’ebé tenta halo asaun hodi impede jornalista sira halo kobertura ba atividade Ministra nian.
Dulce mós konsidera, akontesimentu ne’e nu’udar situasaun ida ne’ebé ema ida la espera no laiha ema ida mak haruka. Tanba ne’e lori MEJD nia naran husu deskulpa ba jornalista sira.
“Ha’u lori Ministériu Edukasaun, Juventudi no Desportu nia naran hakarak husu deskulpa ba televizaun GMN nomos TVTL ne’ebé mak fó sai ona informasaun ida konaba akontesimentu ida iha Sábadu liuba ne’ebé wainhira ha’u asiste serimonia ida iha inaugurasaun eskola Sagrada Coração de Jesus iha Becora. Momentu ne’ebé ha’u hamriik iha oin hodi asiste hela serimonia maibé iha akontesimentu kiikoan ida katak, ha’u nia eskolta halo asaun ruma ne’ebé mak ladun di’ak ba jornalista sira, maibé ha’u hakarak hateten katak, situsaun ida ne’e akontese, laiha ema ida mak haruka, ita la espera situasaun ida ne’e hotu akontese. Ne’ebé dala ida tan ha’u hakarak lori Ministériu Edukasaun Juventudi no Desportu nia naran atu husu deskulpa ba média GMN ho TVTL,”hateten Ministra Dulce de Jesus Soares ba GMN, Segunda (6/3) iha nia servisu fatin edifísiu Ministériu Edukasaun Vila Verde Díli.ías
