Prokurador Jeral Repúblika (PJR), José da Costa Ximenes, infroma, Ministériu Públiku (MP) durante fulan Janeiru to’o Juñu, tinan ne’e, rejista kazu krimi hamutuk 2300, no kazu hirak ne’e maioria husi Munisípiu Dili, tuir Baucau, Covalima, ikus liu mak Rejiaun Administrativa Espesial Oe-cusse Ambeno (RAEOA).
“Ha’u informa ba Prezidenti Repúblika, Francisco Guterrse ‘Lu-Olo’, servisu no funsionamentu MP nian durante 1 Janeiru to’o 31 Juñu, liu-liu kona-ba kazu krimi ne’ebé tama iha MP durante fulan 6 nia laran, ita rejista ona hamutuk 2300 prosesu liu, entre númeru refere, maioria rejista iha Munisípiu Dili, enkuantu Baucau opkupa segundu lugar, tuir Covalima, no Oe-cusse mak rejistu kiik liu,”dehan José da Costa Ximenes ba Jornalista, hafoin remata enkontru ho Prezidenti Repúblika, iha Palasiu Prezidensial Nicolau Lobato-Bairo Pite, Dili, Kuarta (04/07/2018).
“Entre númeru hirak ne’e balu prosesu, Ministeiru Publiku konsege halo akuzasaun porvolta 1400 resin prosesu no arkiva prosesu porvolta 1100 resin prosesu iha teritoriu tomak, ne’ebé mai husi servisu ne’ebé Prokuradoria Distrital halo. Kestaun tuir mai Gabinete Sentral Kombate Korupsaun Kriminal Organizada durante fulan 6 rejistu 96 prosesu, husi ida 96 ne’e ita termina mais 47 prosesu ne’ebé ita termina, husi 25 prosesu mak ita akuza no arkiva porvolta 22 prosesu, durante fulan 6 Gabinete Sentral Kombate Korupasaun Organizada akompaña prosesu ne’ebé iha julgamentu rekopera desizaun final ho númeru rihun 46, ne’e la konta ho sira ne’ebé durante investigasaun rekopera ona,”subliña José.Oly
