Membru Polísia Unidade Patrulhamento Fronteira (UPF) prende mina- rai ilegal kuaze tonelada 6, tanba laiha dokumentu provadu.
Mina-rai tonelada 6 ne’e autoridade operasaun UPF prende iha Palaka Postu Administrativu Atabae no iha Batugade Postu Administrativu Balibo, Munisípiu Bononaro, iha fulan Maiu no Juñu, tinan ne´e.
Evidensia sira ne´e agora dadauk rai hotu ona iha Kuartel UPF Fatuk Boot Batugade hodi submete ba Ministériu Públiku Munisipiu Bobonaro.
Tuir observasaun GMN hare´e katak, mina-rai ne´ebé mak autoridade seguransa sira prende ne´e rai de´it iha loron manas, tanba laiha armazen ruma.
To´o notisia ne´e hatun GMN seidauk hetan konfirmasaun ho Komadante Polísia Unidade Patrulhamento Fronteira Superintendente João Belo, tanba laiha fatin.
Alfândega prende farda militar
Husi sorin seluk parte Alfândega mos prende farda militar nian ne’ebe maka Pesoal Timor oan lori farda jaket militar ida husi Nusa Tenggara Timur (NTT), Indonesia, maibe hetan apreensaun husi Funsionáriu Alfândega iha Batugade liu husi pasa revista Sábadu (07/07/18).
Hafoin prende tiha farda militar ne´e servisu Alfândega haruka pesoal Timor oan mane ida ne´e ba priense tiha dokumentu apreensaun iha edifisiu Alfândega hodi submete ba prosesu investigasaun.
Xefe Alfândega Batugade José dos Martins, hateten, Alfândega prende farda militar refere bazeia mós ba lei númeru 5/2017 armas brankas.
``Tuir regulamentu iha fronteira Alfande bandu ema lori aimoruk tama liu husi fronteira no kilat. Kilat manu mós labele . Tanba ita haree ba lei numeru 5/ 2017 bandu tebes sasan sira hanesan kilat no farda militar. Atributu artemarsias mós la autoriza Wainhira hetan ami halo auto de aprensaun entrega ba PNTL hodi prosesu kontinuasaun,``Xefe Alfândega Batugade José dos Martins, ba GMN Sabdu (07/07/18) iha edifisiu Alfândega Batugade Postu Administrativu Balibo Munisípiu Bobonaro.avi
