GMN TV Justica e Segurança ACBN husu Alkatiri esplika razaun kondekora traidór Alarico Fernandes

ACBN husu Alkatiri esplika razaun kondekora traidór Alarico Fernandes

0 views

Asosiasaun Kombatente Brigada Negra (ACBN-sigla Portugés) husu Sekretáriu Jeral Partidu Fretilin, Marí Alkatiri, atu esplika ho loloos ba povu razaun saida mak kondekora fali traidór Alarico Fernandes, no mos kazu deskonfia Marí Alkatiri simu subornu husi kompañia ConocoPhillips, inklui problema operasaun Skylight ne’ebé tuir informasaun husi eis Komandante FALINTIL, Rogério Lobato, hodi hamate saudozu Nicolau Lobato.

Porta Voz Komando Kuartel Rejionál Díli ACBN, Lahane Oriental, Domingos Bossa Martins alias SAKAR, afirma, Nicolau Lobato nu’udar fundadór Repúblika  Demokrátiku Timor-Leste, nu’udar Segundu Prezidente Repúblika, ne’ebé mate tanba traisaun husi kamarada rasik Alalrico Fernandes, liu husi mensajen ho kódigu Saturno ba forsa invazór Indonézia, hodi define sirkulu anikilamentu (lingkaran pembantain maut), ne’ebé hamout maioria Forças Armadas da Libertacao Nacional de Timor-Leste (FALINTIL). Kna’ar hotu ne’ebé orgaun Estadu halo, reprezenta Estadu no povu tomak, tanba ne’e la admite ho razaun saida  de’it, utiliza misaun sagradu ne’ebé benefísia  privadu.

ACBN mós preokupa ho rumor alegasaun envolvimentu kamarada Marí Bin Amude Alkatiri iha traisaun skylight, hanesan kamarada Komandante Rogério Lobato, rasik hato’o iha ninia mensajen ba povu Maubere tomak.

Istória destituisaun kamarada Mari Alkatiri, nu’udar Xefe Delegasaun Timor-Leste iha esteriór, tanba hetan deskonfiansa husi partidu FRELIMO, relasiona ho alegasaun  a’as ba traidór da patria Alarico Fernandes.

Marí Alkatiri nia envolvimentu iha prosesu negosiasaun esplorasaun Bayu Undang, ne’ebé asume nu’udar Xefe Delegasaun no Primeiru Ministru RDTL, deskonfia hetan subornu ka uang rokok husi kompañia Internasionál ConocoPhillips ho osan hamutuk USD millaun 2.5.

ACBN preokupa  mós alegasaun iha media balun ne’ebé duun katak, ho osan subornu ne’e mak kamarada Marí bele lakon vontade tomak hanesan ema Timor-Oan ne’ebé  asume responsabilidade moral tenke fó apoiu inkondisionál ba implementasaun mega projetu kosta sul, hodi sustenta vizaun estrátejiku maun boot Kay Rala Xanana Gusmão, atu dada kadoras mai Timor-Leste.

“Kontinua respeitu no tau a’as prinsípiu da prezunsaun da inosensia tuir konstituisaun RDTL, nune’e ACBN ho haraik-an husu ba kamarada Marí Alkatiri bele halo esplikasaun ba povu tomak razaun saída mak atribui kondekorasaun a’as ba traidór Alarico Fernandes, alegasaun kona-bá envolvimentu kamarada Marí Alkatiri iha kazu subornu ConocoPhillips. Nune’e husu ba Marí Alkatiri atu providénsia esplikasaun klara no transparante ba kazu subornu husi ConocoPhillips, inklui problema operasaun skylight”, Porta Voz Komando Kuartel Rejionál Díli ACBN, Lahane Oriental, Domingos Bossa Martins alias SAKAR, Kuarta (22/07/2020), liu husi konferénsia  ba imprensa iha Likintai, Díli.

ACBN mós husu ba Estadu tomak atu foti inisiátiva hahú introdus prosedimentu nesesáriu ne’ebé kompletu iha konstituisaun, liu-liu kna’ar ne’ebé Estadu investe ba orgaun Estadu sira, hodi bele inísia kedas inkéritu ba investigasaun ba kamarada Marí Alkatiri.

“Husu ba hotu-hotu, ita tomak defende konstituisaun, keta halo ho hahalok ne’ebé kontra konstituisaun, tanba atu hakarak permanese iha poder, loke dalan ba ita atu trai ita-nia luta ba rai, Estadu de Direitu Demokratiku Timor-Leste, hanesan konsagra ona iha preambulu no konstituisaun Repúblika”, dehan Domingos Bossa.

ACBN mós aseita problema alegasaun hakotu iha tribunál no prosesu ne’ebé la’o dau-dauk tenke lori to’o remata atu bele hetan justifikasaun no lialoos ba povu tomak.

Tanba ne’e ACBN husu ba Tribunal atu julga ho independentemente no transparánsia, atu povu Timor-Leste bele hetan lialoos.

Entretantu, Alarico Fernandes iha tinan 1975 Primeiru Governu RDTL, asume kargu hanesan Ministru Komunikasaun. avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker