GMN TV Justica e Segurança Akadémiku: TL mak aplika LKD sei hamate liberdade espresaun povu nian

Akadémiku: TL mak aplika LKD sei hamate liberdade espresaun povu nian

0 views

Diretór Departamentu Komunikasaun Sosial Universidade Nasional Timor-Lorosa’e (UNTL), Marcelino  Magno, hateten, se Estadu Timor-Leste (TL) mak insiste duni hodi aplika Lei Kriminaliza Difamasaun (LKD) mak sei hamate liberdade espresaun no liberdade imprensa, nune’e mos hamate demokrasia iha Timor-Leste (TL).

Akadémiku UNTL ne’e fudamenta katak, nia parte la konkorda ho esbosu lei krminaliza difamasaun ne’e.

“Ha’u la konkorda esbosu lei ne’e tanba wanhira lei ne’e aprova ona sei  hamate liberdade imprensa no liberdade espresaun no hamate mos demokrasia iha Timor-Leste. Tanba ne’e, hanesan akadémiku la konkorda desizaun Ministru Justisa nian ne’e, tanba uluk esbosu lei ne’e kria tiha ona nune’e Governu hatama ona ba gaveta laran, maibe tanba saida mak atu hasai fali lei ne’e ha’u la kompriende? lolos haree no reforsa mak lei Cyber Crime ne’e atu kontrola ba sidadaun sira ne’ebé gosta hasai liafuan a’at iha media sosial”, informa akadémiku Marcelino Magno ba GMN, Tersa (14/07) iha kampus UNTL, Díli.

Maske nune’e, akadémiku UNTL, Camilo  Ximenes, konkorda  fali ho esbosu lei kriminaliza difamasaun, tanba lei ne’e atu asegura sidadaun sira labele insulta malu iha media sosial.

“Esbosu lei difamasaun ne’e di'ak ba Timor-Leste hodi asegura no  kontrola nia sidadun hotu ne’ebé gosta koalia a’at ema seluk nia privasidade, maibe ida ne’e la hamate liberdade imprensa no liberdade  espresaun ba ema ida-idak atu hato’o ninia opiniaun no halo kritika ba ema seluk, maibe kritika ho konstrutivu labele naran hasai lia fuan a’at hanesan tolok hatun ema sein iha provas”, hateten Dosente Camilo Ximenes.

Camilo mos husu ba Governu alende kria esbosu lei ne’e, haforsa mos lei sibernétika hodi kontrola sidadaun Timor-Oan sira ne’ebé gosta trata ema seluk.

“Ha’u-nia hanoin di'ak liu esbosu lei ne’e tenke iha hodi kontrola ita-nia sidadun sira no haforsa tan lei konaba Cyber Crime, ne’e duni lei rua ne’e bele ona atu kontrola ita-nia sidadaun sira ne’ebé gosta trata ema seluk liu husi media sosial sira”, informa Camilo.

Antes ne’e, sosiedade sivil sira, Front Mahasiswa Timor-Leste no entidade sira seluk mos hato’o ona lamentasaun ba Ministru Justisa, Manuel Cárceres, atu lalika lakon tempu ba kria lei kriminaliza difamasaun, tanba lei ne’e sei hamate liberdade espresaun no imprensa iha Timor-Leste. aba


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker