Xefe Estadu Maior Falintil Forsa Defeza Timor-Leste (F-FDTL), Majór Jeneral Lere Anan Timur, hateten, arte marsiál nakfila ba partidu, mak konselleiru máximu partidu KHUNTO, José dos Santos Naimori Bukar tenke kuidadu.
Lere Anan Timur hato’o deklarasaun ne’e ba jornalista sira Kuarta (8/7/2020), hafoin enkontru ho Prezidente Repúblika, Francisco Guterres Lú Olo iha Palásiu Prezidensiál.
Eis gerilleiru ne’ebé ativu iha instituisaun defeza ne’e hateten, Naimori tenke kuidadu nia partidu KHUNTO ne’ebé transforma hosi arte marsiál ne’e bele buras nafatin hodi ukun nasaun ida ne’e.
“Alin Naimori mós tenke kuidadu, alin kuidadu halo oinsa para o nia partidu sai buras sai boot para ukun Timor ida ne’e mak importante liu, porque ita dehan katak KHUNTO ne’e arte marsiál nakfila ba KHUNTO sira nia juramentu buat sira ne’e hotu, ita jura ba bandeira ita la jura ba fatuk no ahi ida ne’e mak importante liu”, Majór Jeneral Lere Anan Timur.
Partidu KHUNTO eziste iha tinan 2005 no konkore ba iha eleisaun lejislativa dalauluk liu iha tinan 2012, maibé la konsege liu bareira no konkore fila-fali iha tinan 2017 ne’ebé hetan asentu iha Parlamentu Nasionál (PN) ho kadeira lima (5).
Relasiona ho deklarasaun ne’e, Arsebispu Metropolitana Díli, Dom Virgílio do Carmo da Silva, SDB, hateten, uma kreda seidauk hasai deklarasaun ofisial, hodi kondena konselleru supremu KHUNTO, Jose dos Santos ‘Naimori’, maibé líder máximu partidu KHUNTO, hakarak debate ho amo sira, odamatan igreja nakloke.
Alende ne’e, Arsebispu rekoñese, Naimori uza atributu kruz no batina iha tempu klandestina, atu nune’e justifika ba Indonézia katak, atividade hirak ne’e igreja ni’an, maibé agora liu ona, sasán uma kreda ni’an buka atu tau iha nia fatin. Ina
