GMN TV Justica e Segurança Austrália apoia radio komunikasaun 100 ba F-FDTL

Austrália apoia radio komunikasaun 100 ba F-FDTL

0 views

Governu Austrália, liu hosi nia embaixada iha Timor-Leste (TL) apoia radio komunikasaun ho marka Motorola ba Falintil-Forsa Defeza Timor-Leste (F-FDTL) hodi fasilita komunikasaun ho fasil liu tan entre seguransa iha fronteira, munisípiu ho nasionál.

Embaixadór Austrália iha TL, Peter Roberts, hateten, Austrália sei kontinua apoia TL, liu-liu iha área seguransa nian, tanba Austrália ho TL hanesan nasaun maun-alin, kolega ho viziñu di’ak ne’ebé tenke koopera servisu seguransa nian.

“Ha’u kontente bele servisu hamutuk iha área F-FDTL, no apoiu radio dijital 100 ba F-FDTL bele halo komunikasaun ba malu. Austrália ho Timor-Leste hanesan nasaun viziñu, hanesan kolega, Austrália iha komitmentu atu kontinua apoiu servisu seguransa nian, tanba Austrália nia seguransa hanesan TL nia seguransa, no TL nian hanesan mós Austrália nian”,hateten Peter Robert hafoin entrega radio ne’e ba -F-FDTL, iha Kuartel Jenerál Fatuhada, Tersa (30/06/2020).

Iha fatin hanesan, Majór Jeneral Lere Anan Timur, lori Estadu Timor-Leste nia naran hato’o agradese wain ba Austrália, ne’ebé sempre apoia Timor -Leste, tanba la’os ajudu ne’e la’os dahuluk nian, maibe dala barak ona, dezde inísiu F-FDTL hamriik, maske nasaun barak mós apoiu, hanesan iha Europa, Ázia ho Áfrika mós fó ona apoiu ba Timor-Leste, iha área oi-oin. Maibe úniku Indónezia ho Austrália mak apoia nu’udar maun-alin iha nasaun viziñu ne’e.

“Ita agradese, ita Timor nia tradisaun, kuandu ema fó buat ruma, ita sempre agradese ba ema ne’e. Maibe ha’u husu ba governu labele hein de’it doasaun loron kalan hela de’it, tane liman husu obrigadu de’it, governu mós tenke esforsu kria kondisoens ba iha setór hotu-hotu”,dehan tan

Alende ne’e, Austrália mós apoia konstrusaun ba FFDTL iha komponente Naval Hera no Metinaro, inklui komponente Terrestre Baucau.

Nune’e mos, iha tempu badak Austrália sei apoia ró rua ba F-FDTL, hodi fasilita servisu marítima nian. Say


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: inf[email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker