GMN TV Justica e Segurança Forsa EUA fó treinamnetu SEACAT ba F-FDTL

Forsa EUA fó treinamnetu SEACAT ba F-FDTL

0 views

Forsa Estadu Unidu Amérika (EUA) fó treinamentu Southeast Asia Cooperation and Training (SEACAT) ba membru Komponente Naval FALINTIL-Forsa Defeza Timor-Leste (F-FDTL) na’in 10.

Treinamentu Southeast Asia Cooperation and Training (SEACAT) ne’e hala’o iha salaun enkontru Kuartel Komponente Naval Hera.

Formasaun ne’e rasik hanorin husi adidu Forsa Estadu Unidus Amerika (EUA), Majór Pablo Valerin.

Majór Pablo esplika, ezersisiu SEACAT núdar treinamentu ne’ebé envolve nasaun 50, inklui Timor-Leste, hodi hare’e liu ba kestaun seguransa tasi ninian.

Formasaun ba membru F-FDTL importante tebes tanba TL sai ona membru observadór SEACAT, presiza atu hatene  mós informasaun globál kona-bá seguransa tasi nian, hodi bele prepara-an ba futuru proteze ninia rikusoin tasi ninian.

“Ezersísiu SEACAT ne’e importante tebes envolve nasaun 50, inklui Timor-Leste iha rejiaun ASEAN nian hodi partilla informasaun kona-bá seguransa marítima nian,  Timor-Leste nia ekonomia depende ba mina no gás presiza proteze ita boot sira nia tasi hodi hametin ita boot sira nia relasaun iha rejiaun ASEAN”, esplika adidu Forsa EUA, Majór Pablo Valerin, ba jornalista sira, Tersa (21/07/20), iha Komponente Navál, Hera.

Iha fatin hanesan, Komandante Komponente Forsa Navál F-FDTL, Kapitaun Fragata João da Silva, agradese tebes ho formasaun ne’ebé mak apoiu husi EUA, hodi eleva  membru sira nia kapasidade, hodi dezenvolve instituisaun F-FDTL, iha Komponente Naval.

“Adidu Militar EUA mai fó formasaun ida ne’e, konvida Timor-Leste hanesan membru observadór ba ezersisiu SEACAT ida ne’e. Ezersisiu SEACAT ne’e importante, tanba Timor-Leste mós fó kontribuisaun ba iha estabilidade seguransa iha área tasi nian, liu-liu iha área rejional”, dehan João da Silva.

Kapitaun João, hatutan, maske Timor-Leste agora sai hanesan observadór, maibé Timor-Leste bele aprende ona materia importante sira, liu-liu hodi partilla informasaun  ba nasaun membru SEACAT, hodi hametin nafatin kooperasaun iha área tasi nian.

Nia hatutan, dau-daun ne’e membru Forsa Navál barak ba tuir ona formasaun iha rai-liur, hodi bele prepara-an servisu ho membru forsa nasaun viziñu sira atu proteje Timor-Leste nia rikusoin iha Timor-Leste. avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker