GMN TV Justica e Segurança João Pires promete sei reforsa servisu minimiza movimentu ilegál

João Pires promete sei reforsa servisu minimiza movimentu ilegál

1 views

Komandante Polísia Unidade patrullamentu Fronteira (UPF) foun, Superintendente polísia João Sancho Pires, kompromete sei kontinua servisu ne’ebé komandante sesante hala’o iha liña fronteira no sei reforsa servisu membru UPF hotu, nune’e bele minimiza movimentu ilegal no merkadória ilegal iha liña fronteira.

“Primeiru agradese ba Komandante Jerál PNTL, tanba fó hela nomeasaun mai ha’u, fó fiar mai ha’u atu lídera UPF atu bele la’o ba oin. UPF nia servisu média hatene muito bem, oinsá mak bele hasa’e servisu patrullamentu iha fronteira, ema tama no sai, oinsá mak halo koordenasaun ho maluk sira husi parte sorin, para ita bele minimiza ema ne’ebé tama no sai”, Komandante UPF foun ne’e hafoin remata pose iha Kuartel Jerál PNTL, Caicoli-Díli, Kuarta (01-07-2020).

Iha fatin hanesan, KomJer PNTL, Faustino da Costa, apela ba Komandante munisípiu, Komandante unidade, Xefe Departamentu no Xefe Seksaun sira atu nafatin hala’o vizaun no misaun tuir lei ne’ebé vigora ona iha Timor-Leste.

“Ita boot sira ne’ebé hetan pose reprezenta komandu atu hala’o kna’ar ho responsabilidade atu jere rekursu tomak, tantu iha unidade, tantu iha RAEOA no munisípiu sira, diresaun xefia sira iha Komandu Jerál, prioridade Governu nian ne’ebé mak hatuur no mós hato’o ba iha komandu no instituisaun PNTL. Prepara mós maneira no estratéjia ne’ebé atu implementa ba iha objetivu estratéjiku ne’ebé iha, primeiru mak filozófia polísiamentu komunitária ne’ebé mai ho vizivilidade, involvimentu no profisionálizmu, segundu planu de asaun implementasaun kona-bá oinsá atu redúz asidente viasaun ne’ebé sai preokupasaun públiku”, tenik KomJer PNTL ne’e.

Komisáriu PNTL ne’e mós agradese mós ba esforsu tomak ne’ebé Komandante Polísia Munisípiu Díli halo ona durante implementasaun Estadu Emerjénsia no asegura kapitál Díli durante impase polítika.

Iha serimónia toma pose ne’e, Komandu Jerál nomeia fali Komandante Polísia Munisípiu Díli, Superintendente Xefe Armando Monteiro ba fali Munisípiu Baucau, Superintendente Xefe Henrique da Costa, lidera fali Komandu Munisípiu Díli.

Komandante UPF Superintendente Polísia, João Belo dos Reis, asume fali kna’ar nu’udár Polísia Servisu Migrasaun.

Enkuantu Komandante Munisípiu, Komandante Unidade, Xefe Departamentu no Xefe Seksaun ne’ebé simu pose hamutuk 25. san


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker