GMN TV Justica e Segurança Kazu kontentór sia, Advogadu husu TR-MP devolve matéria prima

Kazu kontentór sia, Advogadu husu TR-MP devolve matéria prima

0 views

Liu husi konferénsia imprensa ne’ebé hala’o iha Timor Plaza, Díli, Tersa, loron 28, fulan ne’e, Advogadu Privadu sira ba kazu ne’ebé deskonfia kompañia Naroman Furak, Lda, importa matéria prima sira ho substánsia husi droga, husu ba Ministériu Públiku (MP) atu halo konfirmasaun di-di’ak ho advogadu sira molok halo destruisaun.

Advogadu Privadu, Januário Martins, hateten, bazeia ba desizaun primeira instánsia ne’ebé Tribunál Distritál Díli (TDD) deside iha loron 28, fulan Agostu, tinan 2019, absolve ona arguidu sira husi krime sira ne’ebé MP akuza ba kliente sira.

Nune’e, husu ba MP no tribunál atu devolve fila-fali materiál hirak ne’e ba kompañia, nune’e kompañia mak bele halo destruisaun tuir regulamentu ne’ebé iha.

“Objetu sira ne’e agora dau-daun iha ona planu ba halo destroisaun, tanba ne’e ami fiar katak, sé halo destroisaun mak sei hamosu impaktu ambientál no mós ba saúde públika. Tanba sasan sira ne’e balun agora dau-daun atu tama ona ba nia validade, wainhira nia validade ne’e remata ona automatikamente sei transforma-an sai tóxitu ka veneno ida ne’ebé maka’as”, Advogadu Privadu, Januário Martins.

Advogadu ne’e mós afirma, iha desizaun primeira instánsia tribunál deside absolve arguidu sira no devolve fila-fali materiál sira ne’e ba proprietáriu.

“Maibé MP rekore rekursu ba Tribunál Rekursu (TR), TR konfirma parsialmente simu pedidu balun ne’ebé MP aprezenta no mós TR deside buat balun. Simu parsialmente ne’e mak TR konfirma desizaun primeira instánsia ni’an kona-bá fó absolvisaun ba arguidu sira, maibé iha akordaun ne’e mós hateten perde a favór ba Estadu, depois ho konsekuensia halo destroisaun”, esplika advogadu ne’e.

Iha fatin hanesan, Advogadu Pedro Camoes mós konsidera, MP laiha seriedade ba investigasaun kona-bá kazu kontentór 9 ne’e, tanba ne’e mak ikus mai tribunál absolve tiha arguidu sira husi krime ne’ebé iha, nune’e sira husu ba tribunál no MP atu rekopera fali reputasaun no naran di’ak arguidu sira ni’an tuir dalan justísa.

“Ba kazu ida ne’e tribunál la foti desizaun ida ne’ebé fó justisa loloos ba komunidade ne’ebé enfrenta problema, ne’ebé akuza ikus mai absolve. Iha imvestigasaun durante ne’e mós prokuradór sira gasta osan Estadu ni’an ba test oi-oin para konfirma droga ka la droga”, afirma Advogadu Privadu ne’e.

Tanba ne’e, advogadu ne’e mós afirma, ho kazu kontentór 9 ne’e hamosu prejuízu ba Estadu Timor-Leste, tanba Estadu gasta osan halo teste ba materia prima sira ne’ebé deskonfia hanesan substánsia ba produsaun droga, maibé ikus la’ós materiál ba produsaun droga.

“Prosedimentu tinan ida mai ne’e Estadu ne’e lakon tiha tempu, lakon tiha osan ba asuntu ida ke ikus mai Estadu lakon tan osan atu halo destroisaun dala ida tan”, termina advogadu ne’e.

Kazu ne’e rasik tribunál iha primeira instánsia, deside absolve ona arguidu sira, tanba laiha faktu provadu ne’ebé akuza husi MP kona-bá krime perkusór no asosiasaun kriminoza tuir artigu 08 no 10, lei kombate tráfiku no konsumu ilísitu ba droga, lei númeru 2/2017. San


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker