GMN TV Justica e Segurança KHUNTO-CNRT: LKD viola konstituisaun

KHUNTO-CNRT: LKD viola konstituisaun

0 views

Reprezentante povu iha uma fukun Parlamentu Nasionál (PN), liu-liu bankada KHUNTO no CNRT konsidera, projetu Lei Kriminaliza Difamasaun (LKD) ne'e viola konstituisaun RDTL artigu 44, kona-bá liberdade espresaun, tanba Timor-Leste adopta Estadu Direitu Demokrátiku.

“Projetu lei husi Governu lei kriminaliza difamasaun viola konstituisaun RDTL artigu 44 kona-bá liberdade espresaun, tanba Timor-Leste adopta Estadu Direitu Demokrátiku, tanba ne’e, reprezentante povu iha uma fukun PN preokupa polítika Ministru Justisa atu kriminaliza, ita hotu hatene nasaun ne’e hanaran Repúblika Demokrátiku moris iha Estadu Direitu Demokrátiku, ema hotu livre hodi bele hato'o sira nia espresaun, ho esforsu hodi realiza inisiativa refere halo hela esforsu hodi adita. Ita viola ona konstituisaun artigu 40 kona-bá liberdade espresaun no informasaun, tanba difamasaun tuir atan ha’u nia interpretasaun ita karakteriza ba kazu sivíl la’ós krime“, Deputadu bankada KHUNTO, António Verdial liu husi ninia deklarasaun polítika iha plenária, Tersa (21-07-2020).

Deputadu KHUNTO ne'e subliña, Ministru Justisa (MJ), Manuel Cárceres tenke kria uluk lei sibernétika no lei seguransa sibernétika, hodi kontrola Média sosiál (MédSos).

“Husu ba Governu atu haree Kódigu Sivíl artigu 66 ne’ebé koalia kona-bá naran di'ak ka bom nome, ema ruma halo difamasaun ba ema seluk bele halo rekerimentu inisiál kondena atu selu kompensasaun ba naran di'ak, MJ labele elimina Kódigu Penál artigu 187, MJ tenke kria uluk lei sibernétika no lei seguransa sibernétika, hodi kontrola MédSos mak bele haree projetu lei kriminaliza difamasaun no injuria. La iha lei sibernétika ita sei la halo buat ida, tanba ema trata malu liu husi MédSos la'ós diretu, Governu liu husi MJ presiza kolobara di-di'ak ho Ministériu Transporte no Komunikasaun ho PN hodi hamosu konsensu kria uluk lei sibernétika“, tenik António.

Deputadu CNRT, Arão  Noe, informa, kona-bá projetu lei kriminaliza  difamasaun ne'e nia parte mantein nafatin iha Kódigu Sivíl, labele introdus  iha Kódigu Penál, tanba Timor-Leste adopta Estadu Direitu Demokrátiku.

“kona-bá difamasaun la'ós ita laiha lei, maibé iha Kódigu Sivíl, sé mak sente prejudikadu bele hato'o keixa, ha'u mantein ha'u nia pozisaun projetu lei difamasaun mantein nafatin iha Kódigu Sivíl, labele introdus iha Kódigu Penál, sé lae ita tama fali iha pasu kotuk tempu era sira ne'ebé ita liu tiha ona. Tanba Timor-Leste proklama independensia iha loron 28, fulan Novembru, tinan 1975, ho naran Repúblika Demokrátika Timor-Leste, tanba ne'e nia parte la konkorda kriminaliza difamasaun“, tenik Arão.

Hatán ba kestaun ne'e, Ministru Asuntu Parlamentár no Komunikasaun Sosiál (MAPKS), Francisco Jeronimo, hateten, nia sei hato'o preokupasaun deputadu sira ni'an ne'e ba ministériu kompetente, hodi buka solusaun.

Lei kriminaliza difamasaun to'o ona iha faze konsultasaun ho entidade relevante sira, maibé hetan ona krítika maka'as husi públiku no lei ne'e  to'o ohin loron sei iha meza Ministru Justisa, Manuel Cárceres no seidauk aprezenta ba Konsellu Ministru (KM). Ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker