GMN TV Justica e Segurança Komisaun A PN altera títulu LAK

Komisaun A PN altera títulu LAK

0 views

Komisaun A ne’ebé trata asuntu konstituisaun no justisa iha Parlamentu Nasionál (PN) altera títulu Lei Anti Korupsaun (LAK) ba medida prevensaun no kombate korupsaun, tanba iha proposta anterior, koalia de’it ba lei kontra korupsaun.

Tanba ne’e, lei refere la’ós hanaran ona LAK, maibé hanaran medida prevensaun no kombate korupsaun.

Proposta alterasaun ba títulu lei refere aprezenta husi deputadu bankada FRETILIN, Francisco Miranda Branco, Dário Madeira no deputadu PLP, Francisco de Vanconcelhos.

“Razaun komisaun A altera títulu LAK ba medida kombate korupsaun iha proposta anterior koalia de’it ba lei kontra korupsaun, Ho nune’e, komisaun A hamosu kapítulu rua hodi koalia kona-bá prevensaun ba korupsaun no deklarasaun de bens, tanba kapítulu ne’e tama ona ho nia impaktu iha kapítulu ida ikus liu kona-bá dezpozisoens finál. Tanba ne’e, lei refere la’ós hanaran LAK, maibé hanaran medida prevensaun no kombate korupsaun. Proposta mai fou-foun artigu 20 resin de’it, iha tinan ida ami pending, ami peskiza sai 100 e tall artigu konsege aprova horiseik, ami aprova mós relatóriu parser, ohin ha’u ba asina nota enkaminamentu ne’e”, deputadu bankada FRETILIN, Joaquim dos Santos ba jornalista sira iha PN, Sesta (10-07-2020).

Nia akresenta mós katak, kona-bá atu aprezenta ba plenária ne’e depende ba Prezidente PN, maibé komisaun A finaliza ona relatóriu, hodi aprezenta ba Prezidente PN.

“PN aprova estrutura ida matéria rua ne’e laiha laran, hafoin komisaun rona públiku nia hanoin, hafoin komisaun halo fali formulasaun foun. Lei refere subtánsia la’ós de’it kona-bá krime mós atu halo prevensaun entidade públiku ne’ebé hetan fiar husi Governu hanesan asume kargu xefia, membru Governu no deputadu sira, to’o Prezidente Repúblika, hodi ajuda sira labele halo korupsaun no subtánsia mak obriga ita muda nia títulu”, haktuir Joaquim.

Xefe bankada CNRT, Duarte Nunes, hateten, maneira di’ak liu atu labele iha korupsaun tenke halo prevensaun no kombate korupsaun.

“Ha’u hanoin maneira di’ak liu atu halo korupsaun, ne’e tenke iha prevensaun uluk kedas, iha prevensaun, ita halo kombate korupsaun, sé ita konsege prevene korupsaun laiha lori mai iha PN mak ita haree to’ok. Maske bankada FRETILIN no PLP mak aprezenta no muda títulu ne’e, maibé seidauk hetan briefing, tanba lei refere halo prevensaun no kombate korupsaun“, tenik Duarte.

Entretantu iha loron 9, fulan Jullu ne’e, Komisaun A PN termina no aprova ona lei númeru 1/V/primeiru medida prevensaun no kombate korupsaun, ho nia artigu hamutuk 120. Ety


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker