GMN TV Justica e Segurança Lere husu Governu labele duplika sosa ró-ahi

Lere husu Governu labele duplika sosa ró-ahi

0 views

Xefe Estadu Maior Falintil-Forsa Defeza Timor Leste (F-FDTL), Majór Jeneral Lere Anan Timur, husu ba Governu atu labele duplika meius hodi sosa ró-ahi, hodi halo kontrolu ba atividade illegal iha Tasi Timor.

“Ha'u hanoin katak ita-nia Governu labele dupblika meiu, signifika katak se Forsa Naval presiza ró, ita labele sosa tan ró ba organizasaun seluk, ita hatene agora dadauk Prezidente seidauk promulga, autoridade marítima, autoridade marítima iha responsabilidade, iha militar no Xefe Estadu Maior Jeneral nia okos, autoridade la’os Militar de'it mak iha ne'eba, peska mos iha ne'eba, entaun sistema autoridade marítima ne’e mak saida? Iha ne'eba estatutu define ona por ezemplu seguransa marítima, peska ilegal iha fronteira marítima ida ne’e”, dehan Lere Anan Timur ba jornlista sira, Kinta (22/07 / 2020), iha Palásiu Prezidensial Nicolau Lobato, Bairo Píte, Díli.

Tuir Lere katak, depende ba orsamentu, maibe labele duplika, hanoin tenke haree di-di'ak, tanba ró iha Hera halo patrullamentu iha de'it iha tasi feto, maibe ró ne’e labele funsiona, tanba la halo manutensaun a mais Governu iha planu atu sosa ró iha tinan 2023 husi Austrália, ho ró rua no Governu mak atu preve sosa tan ró ne'e.

“Ita bele dehan katak agora ita mehi atu sosa ró barak ne'e, ita tenke iha kondisaun mak infraestrutura, depois planu de manutensaun, labele hanesan ró ita nian agora ita sosa tiha, maibe manutensaum laiha, ezemplu hanesan ema kuandu moras isin-manas lakohi lori ba ospital, maibe kuandu atu hakoi mak foin lori ba ospital. Ha'u hanoin katak ida ne'eba ne'e sistema autoridade marítima propriu estatutu define, kompetensia ne'e saida no servisu ho se? Autoridade marítima ne'e integradu la'os ne'e mak hanesan ha'u dehan autoridade marítima ne'eba ne'e sivil, militar servisu hamutuk no tanba saida mak iha Xefe Estadu Maior Jeneral nia okos, tanpa meius ne'e militar,  ema sivil labele jere meius militar ne'e, tanba ne'e mak autoridade marítima iha Xefe Estadu Maior Jeneral nia okos, mais iha kompetensia ba Ministru Defeza, iha kestaun ba administrasaun, mais kestaun militar no uzu meius militar ne'e so Xefe Estadu Maior Jeneral mak bele uza ida ne'e” hakotu Lere. Oly  


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker