GMN TV Justica e Segurança Limita movimentu iha pontu entrada, MI husu PN altera artigu balun iha lei migrasaun

Limita movimentu iha pontu entrada, MI husu PN altera artigu balun iha lei migrasaun

0 views

Liu husi audénsia públiku ne’ebé Ministériu Interior (MI) realiza ho komisaun B Parlamentu Nasionál (PN) ba asuntu seguransa, defeza no mós negósiu estranjeiru, Kinta (23/07) Vise Ministru Interior (MI), António Armindo, husu ba uma fukun Parlamentu Nasionál (PN) atu halo alterasaun ba artigu balun iha lei migrasaun.

Razaun fundamental husi alterasaun ba artigu 10 no 11 ne’ebé koalia kona-bá inspesaun iha liña fronteira, mak atu limita sidadaun sira-nia movimentu, liu-liu iha situasaun ne’ebé fó ameasa ba saúde públiku hanesan COVID-19.

Nune’e mós artigu 57 ne’ebé koalia kona-bá misionáriu sira ne’ebé hetan vistu husi Governu Timor-Leste.

“Liu-liu ba artigu 11 atu haree ba iha fronteira ne’ebé atu bandu ema tama sai, liu-liu iha tempu ida agora COVID-19 no mós ba futuru, kuandu iha problema ne’ebé hanesan ka ameasa kona-bá saúde públiku, migasaun iha dalan legál ne’ebé atu limita ema halo destrusaun ba ema iha fronteira, i bele taka fronteira”, Vise MI ne’e ba jornalista sira iha PN.

Husi sorin seluk, Prezidente Komisaun B ne’ebé trata assuntu seguransa defeza no estanjeiru, José Agostinho Sequeira “Somotxo”, hateten, sei haree di-di’ak artigu sira ne’ebé aprezenta husi MI, molok halo alterasaun.

“Maibé alterasaun ne’e ami haree hanesan todan liu, tenke esplika di-di’ak tanba bele soke norma barak ne’e, liu-liu konstituisaun, tanba kuandu ensera fronteira signifika katak, ita suspende ema nia direitu ho ema nia liberdade, ne’e iha lei konstituisaun hateten iha artigu 21 katak, Estadu de desepsaun”, tenik Prezidente Komisaun B PN ne’e.

Somotxo subliña, alterasaun ne’e importante ba vida nasaun ni’an hodi evita perigu oi-oin, maibé labele suspende ema nia direitu vida ne’ebé lei inan fó dalan.

Entretantu artigu balun ne’ebé mak MI aprezenta ba PN atu halo alterasaun mak hanesan artigu 10 kona-bá rekuza ka kanselamentu ba rejistu, artigu 11 kona-bá restrisaun no mós artigu 57 kona-bá renovasaun no autorizasaun ba rezidénsia. san


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker