Membru FALINTIL-Forsa Defeza Timor-Leste (F-FDTL) bele halo juramentu ba partidu, maibé, importante iha lealdade no labele bosok.
Xefe Estadu Maior F-FDTL, Major Jeneral Lere Anan Timur, kasu lia hirak ne’e, hafoin remata sorumutu ho Xefe Estadu, Francisco Guterres Lú Olo, iha Palasiu Presidensiál Nicolau Lobato, Bairro-Pite, Kuarta (08/07).
“Ha’u nia forsa envolve imi hatene ona, uluk ha’u duni sai ha’u nia sarjentu, tanba nia Kera Sakti nini'an ka la’e, maibé nia la leal ba ha’u ne’e mak ha’u haruka nia ba uma, nia bele halo juramentu, maibé kuandu leal ba ha’u ne’e, ha’u hadomi nia nafatin, ha’u nia membru ne’e juramentu ba diabu ka Maromak importante leal ba ha’u, leal ba ha’u, ne’e ha’u la tau problema ida, lealdade ne’e importante liu”, deklara, Xefe Estadu Maior F-FDTL, Major Jeneral Lere Anan Timur.
Alende ne’e, Major Jeneral Lere Anan Timur mós husu ba sidadaun hotu, atu labele tama Timor-Leste liu husi dalan ilegal, tanba surtu COVID-19 sai nafatin ameasa ba ema nia vida iha mundu, ho nune’e, bainhira hakarak tama Timor-Leste tenke liu husi dalan legal, nune’e bele prevene transmisaun surtu covid-19, mai rai laran. Ina
