Ministru Obras Pùblika (MOP), Salvador Pires to’o iha edifísiu Prokuradór Jerál Repúblika (PJR), Colmera mais ou menus tuku 08:00, iha loron 29, fulan ne’e, hodi presta deklarasaun ho investigadór Ministériu Públiku (MP).
Tuir observasaun GMN, governante ne’e presta deklarasaun durante oras haat (4) nia laran, husi tuku 09:01 to’o tuku 1:00 ho balun meudia oras Timor-Leste.
Hafoin presta deklarasaun, Salvador sai husi odamatan kotuk edifísu PJR, hodi la’o sees husi jornalista sira ne’ebé hein kuaze oras barak nia laran, atu konfirma razaun governante ne'e mai presta deklarasaun iha Ministériu Públiku (MP).
Enkuantu parte Ministériu Pùbliku (MP) labele fó uluk esplikasaun, tanba tuir regra prosesuál iha faze investigasaun bandu labele fó sai uluk. san
