GMN TV Justica e Segurança Olinda keixa Fernanda Lay ho Virgínia ba MP

Olinda keixa Fernanda Lay ho Virgínia ba MP

1 views

Deputada bankada KHUNTO, Olinda Guterres keixa ona deputada bankada CNRT Maria Fernanda Lay no Virgínia Ana Belo ba Ministériu Públiku (MP), tanba konsidera deputada na’in rua ne’e tenta halo agresaun fíziku hasoru nia (Olinda-red) iha audénsia públika entre komisaun C no D iha PN ho Governu iha loron 17, fulan Juñu, foin la-lais ne’e.

Ho nune’e, iha Kuarta (8/7) liu husi advogadu partidu KHUNTO, deputada bankada KHUNTO ne’e hato’o keixa ba MP.

“Ha’u nia advogadu hatama ona prosesu ne’e ba iha MP kona-bá dezintendimentu iha loron 16-17, fulan Juñu, tuir loloos prosesu ba de’it iha ida ne’ebé mak halo asalta, maibé kontinuasaun husi loron 16, fulan Juñu liu ba, deputada Virgínia Ana Belo ameasa atu tuku mate ha’u no iha loron 17, fulan Juñu liu ba, deputada Fernanda Lay mak hakat mai liu kedas iha ha’u nia fatin. Ida ne’e krime boot ida mak sira halo ba ha’u, ne’ebé ho idade avansadu sira ho fíziku mai ataka ha’u, ida ne’e mak ha’u sente la diak, maske ha’u koalia liafuan Xina Pirata ne’e ba ami nia lian Makasae pi ne’e dehan ita rata ne’e liurai, iha parte ida ha’u respeitu ba sira, tanba deputada Maria Fernanda Lay ema Baucau, ami na’in rua dalaruma koalia Makasae ba malu“, Olinda Guterres ba GMN iha Parlamentu Nasionál (PN), Kuarta (08-07-2020).

Deputada bankada KHUNTO ne’e subliña mós katak, karik sira hakarak husu deskulpa, iha momentu ne’ebá nia parte prontu atu husu deskulpa ba liafuan ne’ebé nia (Olinda-red) hasai.

“Iha momentu ne’e bainhira ha’u kaolia sala ba deputada, nia labele hakarak mai karik, ha’u sala ha’u bele dada kedas ha’u nia liafuan, iha momentu ne’eba deputada Fernanda Lay loke liras mai ha’u ho idade 60 resin. Antes ne’e deputada CNRT Fernanda Lay hakarak haruka ha’u tenke husu deskulpa, entaun tenke ba tribunál bainhira tribunál dehan ha’u sala, ha’u husu deskulpa, ha’u la sala nia tenke hadia ha’u nia naran”, dehan Olinda.

Husi sorin seluk, deputada  CNRT, Virgínia Ana Belo, hateten, nia parte prontu kualker tempu  atu ba hatan, bainhira MP fó notifikasaun ba nia (Virgínia-red).

“Prontu ida ne’e sira nia direitu, ha’u laiha preparasaun hili advogadu ida, ha’u hein de’it notifikasaun husi MP, bainhira mak atu bolu espera antes mandatu hotu, MP bele halo la-lais liu diak liu tan, mais sé bele MP atu book uluk kazu ne’e, book uluk sira seluk ne’ebé budu iha MP ne’ebé barak tebes. Ami ejize hela MP halo prosesu ka andamentu ba buat hirak sira ne’e, ba ha’u prontu koopera ho justisa, deputada Fernanda Lay ami koalia hela iha bankada prontu hotu”, haktuir nia.

Entretantu tuir kronolojia, deputada Fernanda Lay tenta baku deputada Olinda   ne’e akontese wainhira deputada Olinda Guterres hasai liafuan Xina Pirata ba ninia-an, iha ninia intervensaun ho lian Portugés iha audénsia públika entre komisaun C no D PN ho Governu iha loron 17, fulan Juñu, foin la-lais ne’e.

Deputada Virgínia Ana Belo tenta mós atu baku deputada Olinda, tanba deputada Virgínia Ana Belo husu Vise Primeira Ministra (PM), Armanda Berta dos Santos nia prezensa iha audénsia, maibé deputada bankada KHUNTO ne’e deskorda. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker