GMN TV Justica e Segurança Polísia Tránzitu prende motorizada neen no kareta ida

Polísia Tránzitu prende motorizada neen no kareta ida

0 views

Polísia Tránzitu  munisípiu Díli hala’o pasa revista  prende motorizada neen no kareta ida  iha  área estrada Portu-Díli.

Pasa revista ne’ebé mak Polísia  hala’o Sabádu (18/07/20) kalan  konsege  hetan motorizada  ne’ebé mak laiha lampu boot, no kareta ida uza lampu ida.

Alénde ne’e, motorista balun tula ema husi kotuk, maibé la uza kapasete no la uza xapa matrikula.

Ho aktu  ne’ebé mak motorista sira komete, obrigadu, Polísia Tránzitu, tenke  fó nota infrasaun ba sira hodi ba selu multa iha Banku Nasionál Komersiu Timor-Leste, hafoin entrega fila-fali transporte ba na’in.

Segundu Komandante PNTL munisípiu Díli, Superintendente Euclides Belo, hateten, pasa revista ne’ebé mak PNTL hala’o iha Portu Díli ne’e faz parte husi programa operasaun rutina PNTL ni'an.

“Ne’ebé depois Estadu Emerjénsia ne’e ami Komando PNTL munisípiu Díli ho Komandante Superintendente Xefe Henrique da Costa, hahú kedas programa ida servisu hamutuk hodi defini kapital Díli ne’e seguru ba ema hotu. Tanba ne’e transporte públiku ne’ebé mak sirkula tenke kontribui mós”, esplika Segundu Komandante PNTL munisípiu Díli, Superintendente Euclides Belo, ba  GMN, Sabádu (19/07/20), iha Kuartel PNTL, Kaikoli-Díli.

Euclides Belo akresenta, operasaun ba transporte sira  sei kontinua hala’o kalan no loron, atu nune’e ema hotu bele kumpre kodigu estrada númeru  6/2003.

Tanba ne’e, ba motorista  ne’ebé mak la kumpre kodigu estrada, Polísia sei kontinua prende sira nia transporte, hodi ba selu multa iha Banku Nasionál Komérsiu Timor-Leste.

Tuir tabela infrasaun la uza xapa matrikula sei selu multa USD30. Entretantu la uza kapasete sei selu multa USD60. avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker